Члены-карэспандэнты :: КАВАЛЕНЯ Аляксандр Аляксандравіч

Аляксандр Аляксандравіч Каваленя (н. 14.03.1946, г.п. Капыль, Мінской вобл.) — гісторык. Член-карэспандэнт (2014), доктар гістарычных навук (2000), прафесар (2004). Заслужаны дзеяч навукі Рэспублікі Беларусь (2014). Выдатнік адукацыі Рэспублікі Беларусь (2002).

— Скончыў Мінскі дзяржаўны педагагічны інстытут імя. М. Горкага (1975).
— З 1974 — у Мінскім дзяржаўным педагагічным інстытуце (з 1995 — Беларускі дзяржаўны педагагічны ўніверсітэт імя Максіма Танка), з 1996 — загадчык кафедры.
— З 2004 — в.а. дырэктара, у 2005 — 2010 — дырэктар Інстытута гісторыі НАН Беларусі.
— З 2009 — акадэмік-сакратар Аддзялення гуманітарных навук і мастацтваў НАН Беларусі, член Прэзідыума НАН Беларусі.

Асноўнымі напрамкамі навуковай дзейнасці з’яўляюцца даследаванні гісторыі Другой сусветнай і Вялікай Айчыннай войнаў, партызанскага руху і падпольнай барацьбы на акупаванай тэрыторыі Беларусі (1941 — 1944 гг.), маладзёжнага руху ХХ ст.

Аўтар больш чым 400 навуковых і навукова-метадычных прац, у тым ліку 21 манаграфіі, 58 падручнікаў, вучэбных дапаможнікаў, навукова-метадычных прац і праграм.

Узнагароджаны медалём Францыска Скарыны (2006), залатым медалём НАН Беларусі "За вялікі ўклад у развіццё навукі" (2016), іншымі медалямі.

Асноўныя працы:

Прагерманскія саюзы моладзі на Беларусі. 1941—1944. Вытокі. Структура. Дзейнасць. Мінск, 1999;
Беларусь. 1939—1945: война и политика. Минск, 2001;
Беларусь в годы Великой Отечественной войны, 1941—1945. Минск, 2005 (в соавт.).