Нацыянальная акадэмія навук Беларусі

МЯДЗВЕДЗЕЎ Віталій Фядосавіч

Віталій Фядосавіч Мядзведзеў (26.09.1928 – 17.06.2020), вучоны-эканаміст. Член-карэспандэнт Нацыянальнай акадэміі навук Беларусі (1984), доктар эканамічных навук (1981), прафесар (1982). Удзельнік партызанскага руху ў Беларусі.

Нарадзіўся ў в. Угольшчына, Бялыніцкага р-на, Магілёўскай вобл.

Працы прысвечаны метадалогіі даследавання, мадэлявання і прагназавання развіцця рэгіянальных эканамічных сістэм, вырашэння канкрэтных эканамічных праблем доўгатэрміновага і сярэднетэрміновага развіцця Беларусі, пабудовы сістэмы інфармацыйнага забеспячэння навукі, тэхнікі, вытворчасці. Прапанаваў сістэму метадаў і мадэляў распрацоўкі прагнозаў, схем размяшчэння прадукцыйных сіл і комплекснага развіцця народнай гаспадаркі Беларусі, распрацаваў сукупнасць навуковых абгрунтаванняў фарміравання і развіцця народнагаспадарчага комплексу Рэспублікі Беларусь. Распрацаваў мадэль міжнародных эканамічных адносін Рэспублікі Беларусь з сусветнай супольнасцю. Пад яго кіраўніцтвам распрацаваны Нацыянальныя праграмы развіцця экспарту, турызму на сярэднетэрміновую перспектыву.

Аўтар больш за 400 навуковых прац, у т.л. 14 манаграфій.

Узнагароджаны ордэнам "Знак Пашаны" (1978), медалямі.

Асноўныя працы:

  1. Совершенствование регионального планирования. Минск, 1979.
  2. Мировая экономика : в 2 т. Минск, 2011 (в соавт.)
  3. Суверенная Беларусь: формирование национальной модели международных экономических отношений. Минск, 2013.
  4. Национальный суверенитет и эффективность внешнеэкономической деятельности. Минск, 2017 (в соавт.).