Дзмітрый Сяргеевіч Магілёўцаў (н. 01.11.1969, г. Шклоў Магілёўскай вобласці) – фізік-тэарэтык. Член-карэспандэнт (2017), доктар фізіка-матэматычных навук (2009).

Даследаванні ў галіне квантавай оптыкі і квантавай інфарматыкі: рэканструкцыя квантавых станаў для высокадакладнай дыягностыкі, генерацыя некласічнага станаў святла для прымянення ў квантавых камунікацыях і крыптаграфіі, высокадакладных вымярэннях, метралогіі і дыягностыцы, фатонныя крышталі і ўзаемадзеянне выпраменьвання з рэчывам у іх, дынаміка адкрытых сістэм. Распрацаваў тэарэтычныя метады і падыходы, якія дазволілі прадказаць анамальную дысперсію групавой хуткасці ў фатонна-крышталічных оптавалакнах, немаркавскую дынаміку выпраменьвальнікаў ў фатонных крышталях, стварэнне звязанага атамна-палявога стану ў фатонных крышталях, аднаўленне квантавага стану з дапамогай вар'іравання страт альбо шумоў, немаркаўск характар згасання асцыляцый Рабі ў квантавых кропках, нетрывіяльную мадыфікацыю даўжыні лакалізацыі выпраменьвання ў слаістых метаматэрыяльных структурах, спосаб дыягностыкі сістэматычных памылак пры квантавай тамаграфіі і лакалізацыі прасторы пошуку квантавага стану, дыфузійны кансерватыўны характар распаўсюджвання квантавых станаў у дысіпатыўна звязаных сістэмах хваляводаў.

Аўтар больш за 140 навуковых прац, у тым ліку 2 манаграфій.

Асноўныя працы:

1. Group-velocity dispersion in photonic crystal fibers // Opt. Lett. 1998. Vol. 23, N 21.
2. Biased Tomography Schemes: An Objective Approach // Phys. Rev. Lett. 2006. Vol. 96, N 23.
3. Теоретические методы квантовой оптики структурированных резервуаров. Минск, 2007.
4. Dissipatively coupled waveguide networks for coherent diffusive photonics // Nat. Commun. 2017. Vol. 8.