Нацыянальная акадэмія навук Беларусі

ПЯСЕЦКІ Сцяпан Сцяпанавіч

Сцяпан Сцяпанавіч Пясецкі (н. 21.08.1949, в. Аляксейкі, Івацэвіцкага р-на, Брэсцкай вобл.) - вучоны ў галіне матэрыялазнаўства, тэхналогіі палімераў і кампазіцыйных матэрыялаў на іх аснове. Член-карэспандэнт (2014), доктар тэхнічных навук (1992), прафесар (2000). Выдатнік вынаходніцтва і рацыяналізацыі (1988).

Вобласць навуковых інтарэсаў – фізіка-хімія палімераў, хімічнае матэрыялазнаўства і тэхналогія палімерных кампазіцыйных матэрыялаў. Унёс уклад у распрацоўку тэарэтычных асноў тэхналогіі палімераў і супалімераў алефінаў, тэхналогію кампацібілізіраваных сумесяў і сплаваў палімераў, армаваных пластыкаў. Атрымаў важныя навуковыя вынікі пры даследаванні міжфазных узаемадзеянняў і рэлаксацыйных з'яў, рэалагічных паводзінаў і фазаваструктурных ператварэнняў у шматкампанентных палімер-палімерных і металлапалімерных сістэмах, нанакампазітах.

Аўтар больш за 400 навуковых прац, у тым ліку 9 манаграфій, 126 аўтарскіх пасведчанняў і патэнтаў.

Лаўрэат прэміі Ленінскага камсамола Беларусі ў галіне навукі і тэхнікі (1975) за працу "Даследаванне фізіка-хімічных з'яў пры вырабе і эксплуатацыі палімерных і металапалімерных дэталяў машын". Прэмія НАН Беларусі (2008) за цыкл работ "Хімічная тэхналогія імпартазамяшчальных і перспектыўных палімерных матэрыялаў тэхнічнага прызначэння".

Асноўныя працы:

  1. Functionalized polylefins and aliphatic polyamide blends: interphase interactions, rheology, and high elastic properties of melts // In: Polyolefin Blends / eds.: D. Nwabunma, T. Kyu. New Jersey, 2008 (в соавт.);
  2. Tribological behavior of polymer nanocomposites produced by dispersion of nanofillers in molten thermoplastics //In: Tribology of polymeric nanocomposites / eds.: K. Friedrich, A. K. Schlarb. Oxford, 2013 (в соавт.);
  3. Itaconic acid grafting on LDPE blended in molten state // J. Appl. Polym. Sci. 1997. Vol. 65, N 8 (в соавт.);
  4. Reactive compatibilization in tchnology of poly(alkylene terephthalate) – based composites: polyester blends, short fiber-filled materials, and nanocomposites // In: Multifunctionality of polymer Composites, editors K. Friedrich and U. Breuer. Elsievier, Oxford, 2015, Ch.9, p. 302-337 (в соавт.);
  5. Obtaining, Structure and Properties of Multifunctional Composites Based on Saturated Polyesters Modified with Isocyanate Chain Extenders// In: Isocyanates: Advances in Research and Applications. EdS.G. Bennett, Nova Science Publishers, USA. 2017, Chapter 1, pp. 1-56 (в соавт.)