Нацыянальная акадэмія навук Беларусі

ПЕСЦІС Вітольд Казіміравіч

Вітольд Казіміравіч Песціс (н. 22.02.1949, в. Парэчча, Гродзенскага раёна, Гродзенскай вобласці), вучоны ў галіне жывёлагадоўлі. Член-карэспандэнт Нацыянальнай акадэміі навук Беларусі (2003), член-карэспандэнт Акадэміі аграрных навук Рэспублікі Беларусь (1999 – 2002), доктар сельскагаспадарчых навук( 1988), прафесар (1988). Заслужаны работнік адукацыі Рэспублікі Беларусь (2001). Ганаровы прафесар міжнароднага Венскага ўніверсітэта (2008).

Навуковыя працы ў галіне кармлення сельскагаспадарчых жывёл і тэхналогіі кармоў. Унёс уклад у распрацоўку навукова-тэхнічнай праблемы комплекснага выкарыстання ў кармленні сельскагаспадарчых жывёл мясцовых крыніц пратэінавай мінеральнай і вітамінавай сыравіны. Выканаў даследаванні па тэарэтычным і практычным пытаннях павышэння паўнавартаснасці кармлення сельскагаспадарчых жывёл і іх прадуктыўных якасцяў. Прапанаваў тэарэтычнае абгрунтаванне і распрацаваў новыя спосабы і метады практычнага прымянення сапрапеляў у якасці кармавых дабавак у жывёлагадоўлі. Распрацаваў тэхнічныя ўмовы на новы раслінна-бялковы корм, практычнае прымяненне якога дазваляе знізіць дэфіцыт бялку ў рацыёнах свіней, паменшыць расход кармоў на адзінку прадукцыі.

Аўтар больш за 200 навуковых і вучэбна-метадычных артыкулаў, 12 навучальных дапаможнікаў, 7 манаграфій, 30 вынаходак, абароненых аўтарскімі сведчаннямі і патэнтамі, 10 ТУ і рэкамендацый вытворчасці.

Узнагароджаны медалямі.

Асноўныя працы:

  1. Сапропели в кормлении сельскохозяйственных животных. Гродно: ГГАУ, 2003.
  2. Сапропель в рационах крупного рогатого скота. Гродно: ГГАУ, 2006 (совм. с В.А. Ревяко).
  3. Пробиотики в животноводстве и ветеринарии. Гродно: ГГАУ, 2006 (совм. с М.А. Каврусом, А.Н.Михалюком).
  4. Региональный инновационный кластер: методология формирования и опыт функционирования. Гродно: ГГАУ, 2009. (совм. с О.В. Авдейчик, В.А. Струк)
  5. Коневодство : учеб.-метод. пособие. Гродно: ГГАУ, 2014. (совм. с Д.Т. Ракицким).
  6. Использование генофонда голштинской породы для повышения продуктивности белорусского черно-пестрого скота. Гродно: ГГАУ, 2016. (в соавт.).
  7. Технологии и механизация в пчеловодстве: учеб. пособие. Минск: ИВЦ Минфина, 2017. (в соавт.).