Члены-карэспандэнты :: УСЕНЯ Уладзімір Уладзіміравіч

Уладзімір Уладзіміравіч Усеня (н. 27.08.1958, в. Пасека, Старадарожскага р-на, Мінскай вобл.) – вучоны ў галіне лесазнаўства. Член-карэспандэнт (2017), доктар сельскагаспадарчых навук (2004), прафесар (2010).

— Скончыў Беларускі тэхналагічны інстытут ім. С.М. Кірава (1980).
— У 1980 – 1981 – інжынер-таксатар Гомельскай лесаўпарадкавальнай экспедыцыі.
— З 1981 – у Беларускім НДІ лясной гаспадаркі: старэйшы інжынер, малодшы, старшы навуковы супрацоўнік.
— У 1992 – 2006 – вядучы навуковы супрацоўнік, загадчык сектара, лабараторыі, з 2007 – намеснік дырэктара па навуковай рабоце Інстытута лесу НАН Беларусі.

Навуковыя працы ў галіне лесазнаўства, лясной піралогіі і аховы лясоў ад пажараў. Даследаваў прадуктыўнасць, урадлівасць глебы і аднаўленне лясных фітацэнозаў пасля пажараў. Прапанаваў дыягнастычныя паказчыкі па ацэнцы пажараўстойлівасці насаджэнняў асноўных лесаўтваральных парод і дыферэнцыраваную сістэму вядзення ў іх гаспадаркі пасля пажараў. Выканаў лесапажарнае раянаванне тэрыторыі Беларусі. Распрацаваў і ўкараніў у практыку аховы лясоў перспектыўныя тэхналогіі лакалізацыі і тушэння пажараў на аснове прымянення айчынных экалагічна бяспечных хімічных складаў.

Аўтар больш як 220 навуковых прац, у тым ліку 5 манаграфій.

Асноўныя працы:

Лесные пожары, последствия и борьба с ними. Гомель, 2002.
Продуктивность и восстановление лесных фитоценозов после пожаров. Минск, 2010 (в соавт.).
Лесная пирология. Гомель, 2011 (в соавт.).