Памяці вучонага :: АХВЕРДАЎ Іосіф Мікалаевіч

Іосіф Мікалаевіч Ахвердов (28.06.1916, г. Тбілісі, Грузія – 19.01.2007), вучоны ў галіне будаўніцтва. Член-карэспандэнт Нацыянальнай акадэміі навук Беларусі (1960), доктар тэхнічных навук (1958), прафесар (1962). Заслужаны дзеяч навукі БССР (1989). Удзельнік Вялікай Айчыннай вайны.

— Скончыў Тбіліскі інстытут інжынераў чыгуначнага транспарту (1939).
— З 1949 г. старшы інжынер Цэнтральнай лабараторыі выпрабаванні будаўнічых матэрыялаў трэста "Закаўказметалургбуд".
— У 1958 – 1971 гг. кіраўнік аддзела спецыяльнага жалезабетону, загадчык лабараторыі Дзяржбуда БССР.
— Адначасова ў 1959 – 1971 гг. загадчык кафедры будаўнічых матэрыялаў Беларускага політэхнічнага інстытута, у 1971 – 1987 гг. загадчык кафедры тэхналогіі бетону і жалезабетону Беларускага політэхнічнага інстытута, у 1987 – 1993 гг. прафесар гэтай кафедры.

Навуковыя даследаванні прысвечаны праблемам фізіка-хімічнай механікі, рэалогіі бетонных сумесяў, трываласці і дэфарматыўнасці бетону, тэхналогіі вырабу бетонных і жалезабетонных вырабаў і канструкцый. Распрацаваў і ўкараніў у вытворчасць метад паасобнага падводнага і надводнага бетанавання масіўных збудаванняў, тэхналогію вытворчасці жалезабетонных напорных і безнапорных труб.

Аўтар больш за 400 навуковых прац, у тым ліку 16 манаграфій.

Узнагароджаны ордэнамі Айчыннай вайны II ступені( 1985), Чырвонай Зоркі (1943), "Знак Пашаны" (1966), медалём Францыска Скарыны (1997), медалямі.

Асноўныя працы:

Неразрушающий контроль качества бетона по электропроводности. Мн.: Наука и техника, 1975 (совм. с Л.Н.Маргулисом).
Теоретические основы бетоноведения. Мн.: Вышэйшая школа, 1991.
Технология железобетонных изделий и конструкций специального назначения. Мн.: Наука и техника, 1993.
Раздельное бетонирование наземных и подводных инженерных сооружений. Мн.: Белорусская наука, 2002.