Нацыянальная акадэмія навук Беларусі

АЛЬСМІК Пётр Іванавіч

АЛЬСМІК Пётр Іванавіч

Пётр Іванавіч Альсмік (27.02.1907 в. Выдрэя, Лёзненскага р-на, Віцебскай вобл. – 02.04.1992), селекцыянер-бульбавод. Акадэмік Нацыянальнай акадэміі навук Беларусі (1966; чл.-кар. з 1956), акадэмік ВАСГНІЛ (1979), акадэмік АН РБ (1992), член-карэспандэнт Акадэміі сельскагаспадарчых навук ГДР (1974-1989), доктар сельскагаспадарчых навук (1954), прафесар (1968), Герой Сацыялістычнай Працы (1966). Заслужаны дзеяч навукі БССР (1973).

Навуковыя даследаванні прысвечаны селекцыі і насенняводства бульбы. Распрацаваў методыку селекцыі бульбы, якая дазваляе будаваць прагнозы паводзін новых гатункаў у розных умовах, ствараць спрыяльныя рэжымы іх вырошчвання. Вывеў 10 высокаўраджайных гатункаў бульбы з добрымі смакавымі якасцямі і вялікім (да 26) адсоткам крухмалу: Агранамічны, Тэмп, Лошыцкі, Разварысты і інш.

Аўтар больш за 100 навуковых прац, у т.л. 6 манаграфій.

Дзяржаўныя прэміі СССР 1951 і 1974 гг. за вывядзенне, размнажэнне і ўкараненне ў вытворчасць высокапрадуктыўных гатункаў бульбы.

Узнагароджаны ордэнамі Леніна (1966), Кастрычніцкай рэвалюцыі (1977), ордэнамі Працоўнага Чырвонага Сцяга (1959, 1971, 1973), Дружбы народаў, "Знак Пашаны" (1987), залатым медалём ім. І.В. Мічурына (1979), 4 залатымі і 3 сярэбранымі медалямі ВДНГ, многімі медалямі СССР і БССР.

Асноўныя працы:

  1. Лучшие сорта картофеля для БССР. Минск, 1948.
  2. Семеноводство и апробация картофеля в БССР. Минск, 1948.
  3. Культура картофеля в Белорусской ССР. Минск, 1953 (в соавт.).
  4. Бульба. 2-е изд. Мінск, 1955 (в соавт.).
  5. Селекция картофеля в Белоруссии. Минск, 1979.
  6. Физиология картофеля. М., 1979 (в соавт.).
  7. Картофель: селекция, семеноводство, технология возделывания. Минск, 1988.