Памяці вучонага :: БУРСЦІН Цэлестын Леановіч

Цэлестын Леановіч Бурсцін (28.01.1888, г. Цярнопаль, Украіна – 21.10.1938), матэматык. Акадэмік Нацыянальнай акадэміі навук Беларусі (1931), доктар філасофіі (1912), прафесар(1929).

— Скончыў Венскі ўніверсітэт (1911).
— З 1929 г. загадчык кафедры вышэйшай матэматыкі Беларускага дзяржаўнага ўніверсітэта.
— У 1931 – 1937 гг. дырэктар Фізіка-тэхнічнага інстытута АН БССР.
— З 1936 г. акадэмік-сакратар Аддзялення прыродазнаўчых і матэматычных, прыродазнаўчых і тэхнічных навук АН БССР.
— У 1937 г. рэпрэсаваны. Рэабілітаваны ў 1956 г.

Даследаванні ў галіне дыферэнцыяльных ураўнанняў і дыферэнцыяльнай геаметрыі. Займаўся пытаннямі алгебры, рыманавай геаметрыі, распрацаваў арыгінальныя метады інтэгравання пфаффавых і картанавых агрэгатаў, вырашыў праблему Пфаффа для сістэм дыферэнцыяльных ураўнанняў з прыватнымі вытворнымі, праблему Кошы для гэтага тыпу ўраўнанняў.

Аўтар каля 20 навуковых прац, у т.л. 3 манаграфій.

Асноўныя працы:

Курс дыферэнцыяльнай геаметрыi. Мiнск, 1933.
Фiзiчныя метады матэматыкi. Мiнск, 1933.
Уводзiны ў Рыманаву дыферэнцыяльную геаметрыю. Мiнск, 1936. Ч. 1.