Ніл Мікалаевіч Дарожкін (26.11.1927, г. Бранск, Расія – 27.12.2007), вучоны ў галіне тэхналогіі парашковых матэрыялаў, паэт. Член-карэспандэнт Нацыянальнай акадэміі навук Беларусі (1986), доктар тэхнічных навук (1977), прафесар (1979).

Даследаванні ў галіне фізіка-тэхнічных асноў стварэння ахоўных пакрыццяў, распрацоўкі абсталявання і матэрыялаў для працэсу прыпякання іх на паверхнях дэталяў машын.

Аўтар больш за 600 навуковых прац, у тым ліку 22 манаграфій, больш за 300 вынаходак.

Прэмія Савета Міністраў СССР 1984 г. за ўдзел у распрацоўцы і ва ўкараненні ў вытворчасць новых спосабаў і абсталявання для аднаўлення і ўмацавання дэталяў машын электракантактнай прываркай прысадачных матэрыялаў. Дзяржаўная прэмія Рэспублікі Беларусь 2000 г. за працу "Парашковыя ахоўныя пакрыцці: тэорыя, тэхналогія, практыка".

Асноўныя працы:

1. Упрочение и восстановление деталей машин металлическими порошками. Мн., 1975.
2. Электрофизические методы получения покрытий из металлических порошков. Рига, 1985 (в соавт.).
3. Центробежное припекание порошковых покрытий при переменных силовых воздействиях. Мн., 1993 (в соавт.).