Памяці вучонага :: ГАРКУША Іван Федасеевіч

Іван Федасеевіч Гаркуша (29.04.1896, с. Гарадзішча, Гарадзішчанскага р-на, Кіеўскай вобл., Украіна – 06.08.1970), почвавед. Акадэмік Нацыянальнай акадэміі навук Беларусі( 1961), акадэмік Акадэміі сельскагаспадарчых навук БССР (1959 – 1961), доктар сельскагаспадарчых навук (1954), прафесар (1954). Заслужаны дзеяч навукі БССР (1956).

— Скончыў Херсонскі сельскагаспадарчы інстытут (1928).
— У 1933 – 1942 гг. старшы навуковы супрацоўнік Усесаюзнага інстытута угнаенняў, агратэхнікі і аграглебазнаўства, адначасова загадчык кафедры глебазнаўства і земляробства Ленінградскай вышэйшай камуністычнай сельскагаспадарчай школы ім. С.М. Кірава, у 1942 – 1944 гг. дырэктар глебава-агранамічнай лабараторыі Туркменскага філіяла АН СССР у Ашхабадзе.
— У 1944 – 1952 гг. прарэктар, у 1952 – 1965 гг. рэктар і адначасова загадчык кафедры Беларускай Сельскагаспадарчай акадэміі.

Навуковыя працы ў галіне агранамічнага глебазнаўства, геаграфіі, генезісу, урадлівасці і эвалюцыі дзярнова-падзолістых і тарфяна-балотных глеб пад уплывам акультурвання.

Аўтар больш за 90 навуковых прац, у т.л. 5 манаграфій.

Прэмія ім. В.Р. Вільямса (1947, 1957) за падручнік "Глебазнаўства" (М., 1940; 6 выд., 1962) і манаграфію "Акультурванне глебаў як сучасны этап глебаўтварэння" (М., 1956).

Узнагароджаны ордэнамі Леніна (1961), Працоўнага Чырвонага Сцяга (1958), "Знак Пашаны" (1949), медалямі.

Асноўныя працы:

Краткий курс агропочвоведения. Л., 1938.
Основы геологии и минералогии. Мн., 1948.
Почвоведение. Л.; М.: Сельхозиздат, 1962.