Нацыянальная акадэмія навук Беларусі

ГАРАНСКІ Георгій Канстанцінавіч

Георгій Канстанцінавіч Гаранскі (26.12.1912, г. Казань, Расія – 08.11.1999), вучоны ў галіне машынабудавання і тэхнічнай кібернетыкі. Член-карэспандэнт Нацыянальнай акадэміі навук Беларусі (1969), доктар тэхнічных навук (1968), прафесар (1969). Удзельнік Вялікай Айчыннай вайны.

Навуковыя даследаванні прысвечаны пытанням аўтаматызацыі тэхналагічнай падрыхтоўкі вытворчасці ў машынабудаванні. Распрацаваў асновы тэорыі комплекснай аўтаматызацыі і механізацыі зборачнай вытворчасці, тэорыі праектавання і разліку эксплуатацыі аўтаматызаваных станочных ліній і станкоў-аўтаматаў. Стварыў метады прадстаўлення і кадавання інфармацыі аб машынабудаўнічых дэталях, алгарытмы пошуку праектных рашэнняў з выкарыстаннем табліц адпаведнасцяў і праграмавання на іх аснове лагічных задач, якія ўзнікаюць пры аўтаматычным праектаванні.

Аўтар больш за 210 навуковых прац, у т.л. 6 манаграфій.

Узнагароджаны ордэнамі Айчыннай вайны I і II ступені (1944, 1985), Чырвонай Зоркі (1945), медалямі.

Асноўныя працы:

  1. К теории автоматизации инженерного труда. Мн.: Изд-во Акад. наук БССР, 1962.
  2. Расчет режимов резания при помощи электронно-вычислительных машин. Мн.: Госиздат БССР, 1963.
  3. Автоматизированные системы технологической подготовки производства в машиностроении. М.: Машиностроение, 1976 (в соавт.).
  4. Технологическое проектирование в комплексных автоматизированных системах подготовки производства. М.: Машиностроение, 1981 (совм. с Э.Л.Бендеровой).