Памяці вучонага :: ІГНАЦЕНКА Іларыён Мяфодзьевіч

Іларыён Мяфодзьевіч Ігнаценка (28.12.1919, в. Дамамеркі, Лоеўскага р-на, Гомельскай вобл. – 03.02.2002), гісторык. Акадэмік Нацыянальнай акадэміі навук Беларусі (1974; чл.-кар. з 1969), доктар гістарычных навук (1965), прафесар (1966). Удзельнік Вялікай Айчыннай вайны.

— Скончыў Гомельскі педагагічны інстытут (1950).
— У 1953 – 1958, 1960 – 1966 гг. у Белдзяржуніверсітэце: дацэнт, загадчык кафедры, дэкан факультэта.
— У 1969 – 1975 гг.дырэктар Інстытута гісторыі АН БССР.
— У 1966 – 1969 і 1975 – 1980 гг.дырэктар Інстытута гісторыі партыі пры ЦК КПБ.
— У 1980 – 1991 гг. загадчык сектара, з 1991 г. галоўны навуковы супрацоўнік, у 1995 – 1997 гг. саветнік пры дырэкцыі Інстытута гісторыі Нацыянальнай АН Беларусі, з 1997 г. галоўны навуковы супрацоўнік гэтага інстытута.
— У 1975 – 1986 гг. дэпутат Вярхоўнага Савета БССР.

Асноўныя працы прысвечаны гісторыі Лютаўскай і Вялікай Кастрычніцкай сацыялістычнай рэвалюцый. Паказаў развіццё і ход рэвалюцый у Беларусі і на Заходнім фронце, характэрныя асаблівасці грамадзянскай вайны і замежнай інтэрвенцыі ў Беларусі, вынікі рэвалюцыйных пераўтварэнняў, разгортванне нацыянальна-вызвольнага руху і нацыянальна-дзяржаўнага будаўніцтва. Суаўтар і навуковы рэдактар "Нарысаў гісторыі Камуністычнай партыі Беларусі" (ч. 2, 1967), "Гісторыі Беларускай ССР" у 5 тамах (1972-1975), "Усенароднай барацьбы ў Беларусі супраць нямецка-фашысцкіх захопнікаў у гады Вялікай Айчыннай вайны" у 3 тамах (1983-1985) і інш.

Аўтар каля 200 навуковых прац, у т.л. 6 манаграфій.

Узнагароджаны ордэнам Айчыннай вайны II ступені (1985), медалямі.

Асноўныя працы:

Беднейшее крестьянство - союзник пролетариата в борьбе за победу Октябрьской революции в Белоруссии (1917-1918 гг.). Мн., 1962.
Февральская буржуазно-демократическая революция в Белоруссии. Мн., 1986.
Великий Октябрь в судьбах белорусского народа. Мн., 1987.
Октябрьская революция и самоопределение Белоруссии. Мн., 1992.
Кастрычнiцкая рэвалюцыя на Беларусi. Мн., 1995.