Памяці вучонага :: КАРАТКОЎ Канстанцін Мікалаевіч

Канстанцін Мікалаевіч Караткоў (08.03.1890, г. Варонеж, Расія – 19.03.1954), хімік. Акадэмік Нацыянальнай акадэміі навук Беларусі (1950; чл.-кар. з 1947), доктар хімічных навук (1943), прафесар (1939). Заслужаны дзеяч навукі БССР (1949).

— Скончыў Горацкі сельскагаспадарчы інстытут (1924).
— З 1925 г. дацэнт Беларускай Сельскагаспадарчай акадэміі.
— У 1930 – 1941 і ў 1944 – 1949 гг. прафесар, загадчык кафедры, у 1930 – 1932 гг. намеснік дырэктара Беларускага лесатэхнічнага інстытута.
— У 1941 – 1944 гг. загадчык кафедры Уральскага лесатэхнічнага інстытута.
— З 1949 г. дырэктар, з 1952 г. загадчык лабараторыі лесахіміі Інстытута хіміі АН БССР.

Асноўныя працы ў галіне лесахіміі: па тэорыі сухой перагонкі драўніны, вывучэнні церпенавых вуглевадародаў, распрацоўцы тэхнікі падсочкі. Вывучаў кінэтыку акіслення шкіпінараў і каніфолі. У выніку экспедыцыйных даследаванняў была выяўленая сыравінная база для вытворчасці каніфолі ў Беларусі.

Аўтар больш за 40 навуковых прац, у т.л. 2 манаграфій.

Узнагароджаны ордэнамі Леніна (1951), Працоўнага Чырвонага Сцяга (1949).

Асноўныя працы:

Химическая переработка древесины. Мн.: Гос. изд. БССР, 1947.
Канифоль и скипидар. Мн.: Гос. изд. БССР, 1950.