Міхаіл Іосіфавіч Мушынскі (н. в. Мокрае, Быхаўскага р-на, Магілёўскай вобл., 24.01.1931 – 08.06.2018), крытык, літаратуразнаўца, тэксталаг. Член-карэспандэнт Нацыянальнай акадэміі навук Беларусі (1991), доктар філалагічных навук (1978), прафесар (2001).
Навуковыя працы ў галіне гісторыі беларускай літаратуры, тэксталогіі, метадалогіі літаратуразнаўства і літаратурнай крытыкі. Даследаваў гісторыю беларускай крытыкі і літаратуразнаўства 1920–1990-х гадоў, паказаў сацыяльна-гістарычную абумоўленасць развіцця крытыкі і навуковай думкі, іх ролю ў барацьбе за зацвярджэнне ў літаратуры прынцыпаў рэалізму, народнасці, гуманізму, агульначалавечых каштоўнасцяў. Адзін з аўтараў "Гісторыі беларускай дооктябрьской літаратуры" і "Гісторыі беларускай савецкай літаратуры" (1977); "Нарысаў па гісторыі беларуска-рускіх літаратурных сувязяў". Кн. 2-4. 1994–1995; "Гісторыі беларускай літаратуры ХХ стагоддзя". Т. 1-4. 1999–2003. Даследуе жыццё і творчасць Я. Коласа, М. Гарэцкага, М. Зарэцкага, Р. Мурашкі. У апошнія гады асноўныя намаганні накіраваныя на распрацоўку новай канцэпцыі гісторыка-літаратурнага развіцця і стварэнне абноўленай гісторыі беларускай літаратуры. Кіруе праграмай падрыхтоўкі шматтомных навуковых выданняў, у тым ліку першых поўных сходаў твораў М. Багдановіча ў 3 т., Я. Купалы ў 9 т., а таксама сходаў твораў І. Мележа, Я. Коласа, М. Гарэцкага, М. Лынькова, П. Пестрака, З. Бядулі, П. Броўкі, М. Зарэцкага. Гэтыя выданні сталі асновай найноўшых фундаментальных даследаванняў беларускіх навукоўцаў. Адзін з арганізатараў штогадовых навуковых канферэнцый "Каласавіны"(1987-2006) і "Гарэцкія чытанні" (1992-2006).
Аўтар больш за 300 навуковых прац, у т.л. 13 манаграфій.
Дзяржаўная прэмія БССР імя Я. Коласа (1980).
Узнагароджаны медалём.