Нацыянальная акадэмія навук Беларусі

ШАШКОЎ Анатоль Герасімовіч

Анатоль Герасімавіч Шашкоў (28.02.1927, г. Гомель – 24.01.2011), цеплафізік. Акадэмік Нацыянальнай акадэміі навук Беларусі (1980; чл.-кар. з 1970), доктар тэхнічных навук (1967), прафесар (1967). Заслужаны дзеяч навукі і тэхнікі БССР (1978).

Работы па праблемах тэрмаанемаметрыі, працэсам пераносу цяпла ў газах і цвёрдых целах, разліку электрычных ланцугоў з цеплазалежнымі супраціўленнямі, пытаннях праектавання складаных тэрмаанемаметрычных сістэм. Даследаваў цячэнне глейкіх вадкасцяў праз дрэсселіруючыя прылады, цеплаабмен цвёрдых целаў з газамі, залежнасць цеплаправоднасці газаў і газавых сумесяў ад тэмпературы і канцэнтрацыі. Стварыў асновы сістэмна-структурнага падыходу да аналізу задач цеплаправоднасці і ідэнтыфікацыі цеплафізічных уласцівасцяў рэчываў і цеплавых патокаў.

Аўтар больш за 180 навуковых прац, у т.л. 14 манаграфій.

Прэмія НАН Беларусі імя акадэміка А.В. Лыкава 2005 г. за цыкл работ "Цепла- і масаперанос у неаднародных асяроддзях з улікам гідрадынамікі, фазавых і хімічных ператварэнняў".

Узнагароджаны ордэнам Працоўнага Чырвонага Сцяга (1986), медалём.

Асноўныя працы:

  1. Терморезисторы и их применение. М., 1967.
  2. Теплопроводность газовых смесей. М., 1970 (совм. с Т.Н. Абраменко).
  3. Перекрестные эффекты в газовых смесях. Мн., 1976 (совм. с Т.Н. Абраменко).
  4. Системно-структурный анализ процесса теплообмена и его применение. М., 1983.
  5. Теплофизика разлагающихся материалов. М., 1985 (в соавт.).
  6. Волновые явления теплопроводности. Мн., 1993; 2-е изд., М.: Едиториал УРСС, 2004 (в соавт.).