Нацыянальная акадэмія навук Беларусі

СМЯЯН Мікалай Іванавіч

Мікалай Іванавіч Смяян (03.01.1932, в. Бабічы, Рэчыцкага р-на, Гомельскай вобл. – 12.10.2007), вучоны ў галіне агразвазнаўства. Акадэмік Нацыянальнай акадэміі навук Беларусі (2003; чл.-кар. з 1989), акадэмік Акадэміі аграрных навук Рэспублікі Беларусь( 1992-2002), доктар сельскагаспадарчых навук( 1981), прафесар (1990). Заслужаны дзеяч навукі Рэспублікі Беларусь (2000).

Навуковыя даследаванні ў галіне глебазнаўства, распрацоўкі глебава-экалагічных асноў адаптыўных сістэм земляробства ў сельскай гаспадарцы, рацыянальнага выкарыстання глебавых рэсурсаў. Распрацаваў класіфікацыю глеб, тэарэтычныя асновы і практычныя прыёмы павышэння іх прадукцыйнай здольнасці, склаў глебавую карту Беларусі ў маштабе 1: 600 000, выканаў глебава-геаграфічнае раянаванне, распрацаваў методыку якаснай ацэнкі глеб, па якой на тэрыторыі Беларусі двойчы праведзены баніціровачныя работы і кадастравая ацэнка ворных глеб, устанавіў ступень прыдатнасці глеб пад асноўныя сельскагаспадарчыя культуры, прапанаваў метадычныя падыходы аптымізацыі структуры пасяўных плошчаў і севазваротаў, правёў шырокія даследаванні па глебава-экалагічнага раянавання. Тэарэтычныя распрацоўкі з'яўляюцца навуковай асновай прыродаахоўных тэхналогій у сельскай гаспадарцы і знаходзяць шырокае практычнае прымяненне пры ўсталяванні спецыялізацыі і канцэнтрацыі сельскагаспадарчай вытворчасці, стварэнні аптымальнай структуры пасеваў і севазваротаў, павышэння ўрадлівасці глеб, абароны іх ад разбурэння.

Аўтар больш за 400 навуковых прац, у т. л. 8 манаграфій.

Дзяржаўная прэмія БССР 1976 г. за цыкл работ па вывучэнні глеб Беларусі, апублікаваных у 1968 – 1974 гг. Прэмія Нацыянальнай акадэміі навук Беларусі 2007 г.

Узнагароджаны ордэнам "Знак Пашаны" (1971), медалямі.

Асноўныя працы:

  1. Качественная оценка почв колхозов и госхозов. Мн., 1977.
  2. Пригодность почв БССР под основные сельскохозяйственные культуры. Мн., 1980.
  3. Занимательно о почве. Мн., 1984 (совм. с К.К.Кудло, И.Н.Соловей).
  4. Оценка плодородия почв Белоруссии. Мн., 1989 (в соавт.).
  5. Земледелие с почвоведением. Мн., 1989 (в соавт.).
  6. Полевое исследование и картографирование почв БССР. Мн., 1990 (в соавт.).
  7. Почвы и структура посевных площадей. Мн., 1990.
  8. Кадастровая оценка земель сельскохозяйственных предприятий и крестьянских (фермерских) хозяйств. Мн., 2000 (в соавт.).
  9. Классификация, диагностика и систематический список почв Беларуси. Мн., 2007 (совм. с Г.С.Цытрон).