Памяці вучонага :: ЗАКРЭЎСКІ Аркадзь Дзмітрыевіч

Аркадзь Дзмітрыевіч Закрэўскі (н. 22.05.1928, г. Ленінград, Расія), вучоны ў галіне тэхнічнай кібернетыкі і інфарматыкі. Член-карэспандэнт Нацыянальнай акадэміі навук Беларусі (1972), доктар тэхнічных навук (1967), прафесар (1969).

— Скончыў Томскі ўніверсітэт (1956).
— У 1959 – 1971 гг. асістэнт, старшы навуковы супрацоўнік, загадчык лабараторыі Сібірскага Фізіка-тэхнічнага інстытута, прафесар, загадчык кафедры Томскага дзяржаўнага ўніверсітэта.
— У 1971 – 1994 гг. загадчык лабараторыі, з 1994 г. галоўны навуковы супрацоўнік Аб'яднанага інстытута праблем інфарматыкі Нацыянальнай акадэміі навук Беларусі.
— Адначасова ў 1971 – 1988 гг. прафесар Беларускага дзяржаўнага ўніверсітэта, у 1988 – 1999 гг. прафесар Беларускага дзяржаўнага ўніверсітэта інфарматыкі і радыёэлектронікі.

Працы па тэорыі аўтаматаў, сістэмнаму праграмаванні, логіка-камбінаторным метадам у тэхніцы і інфарматыцы. Прапанаваў мову праграмавання лагічных задач ЛЯПАС, на базе якога была створана серыя сістэм аўтаматызаванага праектавання дыскрэтных прылад, і метады рэалізацыі паралельных алгарытмаў лагічнага кіравання ўзаемадзеючымі працэсамі. Распрацаваў серыю практычна эфектыўных алгарытмаў мінімізацыі булева функцый і сістэм, рашэнні вялікіх сістэм лагічных ураўнанняў і пераазначаных сістэм лінейных лагічных ураўнанняў з прыкладаннямі ў лагічным сінтэзе і абароне інфармацыі. Абагульніў метады тэорыі булева функцый на канчатковыя прэдыкаты, распрацаваў лагічны падыход да распазнання вобразаў у прасторы булева і мнагазначных прыкмет.

Аўтар 500 навуковых прац, у тым ліку 23 манаграфій.

Узнагароджаны медалямі.

Асноўныя працы:

LYaPAS: A programming language for logic and coding algorithms. N.-Y.; L.: Academic Press, 1969 (with M.A.Gavrilov).
Алгоритмы синтеза дискретных автоматов. М.: Наука, 1971.
Логические уравнения. Мн., 1975; 2 изд. М.: Едиториал УРСС, 2003.
Логический синтез каскадных схем. М.: Наука, 1981.
Boolesche Gleichungen: Theorie, Anwendung, Algorithmen. Berlin: VEB Verlag Technik, 1984 (mit D.Bochmann, Ch.Posthoff).
Логика распознавания. Мн., 1988; 2 изд. М.: Едиториал УРСС, 2003.
Параллельные алгоритмы логического управления. Мн., 1999; 2 изд. М.: Едиториал УРСС, 2003.
Полиномиальная реализация частичных булевых функций и систем. Мн., 2001 (совм. с Н.Р.Тороповым).
Основы логического проектирования: В 3 кн. (совм. с Ю.В. Потлосиным, Л.Д. Черемисиновой). Мн.: ОИПИ НАН Беларуси, 2004-2006.
Логические основы проектирования дискретных устройств. М.: Физматлит, 2007 (с ними же).
Design of logical control devices. TUT Press, 2009 (with Yu. Pottosin, L. Cheremisinova).