Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Навіны

Галоўная старонка / Навіны / Архіў навін

RSS

25.07.2018

Ідзе прыём заявак на ўдзел у выставе “Фестывалю Навукі – 2018”

8 верасня 2018 года ў Цэнтральным батанічным садзе НАН Беларусі Акадэміяй навук будзе арганізаваны “Фестываль Навукі – 2018”, прымеркаваны да 90-годдзя з дня заснавання Акадэміі навук і Дня горада. Фестываль уяўляе сабой масавае навукова-адукацыйнае мерапрыемства, разлічанае на 8-10 тысяч наведвальнікаў на працягу аднаго дня на тэму навукі. Мэта мерапрыемства – выклікаць зацікаўленасць навукай у вучняў і студэнтаў, умацаваць прэстыж навукі ў грамадстве, расказаць пра дасягненні беларускай і сусветнай навукі. У сувязі з актыўным прыцягненнем да ўдзелу ў Фестывалі вучнёўскай і студэнцкай моладзі, маладых вучоных ствараецца дзейсная сістэма, якая забяспечвае пераемнасць пакаленняў і развіццё ўстойлівай цікавасці падрастаючага пакалення да навукова-даследчай працы. У мерапрыемстве прымуць удзел акадэмічныя інстытуты, ВНУ, навукова-пазнавальныя праекты, музеі навукі, а таксама цэнтры дзіцячай творчасці і гурткі робататэхнікі.

25.07.2018

Аб’яўляецца конкурс 100 талентаў Нацыянальнай акадэміі навук Беларусі 2018 года

Нацыянальная акадэмія навук Беларусі аб’яўляе аб правядзенні ў 2018 годзе конкурсу 100 талентаў Нацыянальнай акадэміі навук Беларусі.
Конкурс праводзіцца ў мэтах: рэалізацыі мер па прыцягненні і замацаванні таленавітай моладзі ў навуковай, навукова-тэхнічнай і інавацыйнай сферах; стварэння маладзёжных навукова-даследчых груп і амаладжэння кадравага складу навуковых арганізацый; забеспячэння пераемнасці паміж вучонымі розных пакаленняў.

25.07.2018

Санітарнае фарміраванне РУП “НПЦ НАН Беларусі па жывёлагадоўлі” заняло першае месца на абласных спаборніцтвах

На тэрыторыі Чэрвеньскага раёна Мінскай вобласці прайшлі абласныя спаборніцтвы санітарных фарміраванняў. У спаборніцтвах прынялі ўдзел 23 каманды, якія прадстаўлялі ўсе рэгіёны Мінскай вобласці. Спаборніцтвы праводзяцца ў мэтах падтрымання фарміраванняў грамадзянскай абароны Мінскай вобласці ў гатоўнасці. У ходзе спаборніцтваў судзейская камісія праверыла аснашчэнне каманд, ацаніла працу санітарных дружын у ачагах камбінаванага паражэння, хімічнага паражэння і інфекцыйнага захворвання. Веды ўдзельнікаў спаборніцтваў таксама былі правераны ў ходзе тэсціравання.

25.07.2018

Лётчыку-касманаўту СССР Пятру Клімуку ўручаны дыплом ганаровага члена Нацыянальнай акадэміі навук Беларусі

25 ліпеня 2018 года Старшыня Прэзідыума НАН Беларусі Уладзімір Гусакоў уручыў дыплом ганаровага члена Нацыянальнай акадэміі навук Беларусі лётчыку-касманаўту СССР Пятру Клімуку. Пётр Клімук – касманаўт, вядомы вучоны, доктар тэхнічных навук, сапраўдны член Расійскай акадэміі касманаўтыкі імя К.Э.Цыялкоўскага, акадэмік Міжнароднай акадэміі інфарматыкі, член-карэспандэнт Міжнароднай акадэміі астранаўтыкі. Ён быў аднагалосна абраны ганаровым членам НАН Беларусі 16 лістапада 2017 года падчас сесіі Агульнага сходу Нацыянальнай акадэміі навук Беларусі. Як адзначыў пасля ўрачыстай цырымоніі Пётр Клімук, “У Расіі я атрымаў шмат розных дыпломаў. Але я беларус, я тут нарадзіўся, і для мяне вельмі ганарова атрымаць такое званне менавіта ад НАН Беларусі. Гэта высокі гонар”.

19.07.2018

Работы лаўрэатаў прэмій Нацыянальнай акадэміі навук Беларусі і Фонду падтрымкі адукацыі і навукі (Алфёраўскага фонду) 2015-2017 гг. перададзены ў ЦНБ НАН Беларусі

Работы лаўрэатаў прэмій Нацыянальнай акадэміі навук Беларусі і Фонду падтрымкі адукацыі і навукі (Алфёраўскага фонду) 2015-2017 гг. перададзены ў ЦНБ НАН Беларусі. З архівам работ можна азнаёміцца ў чытальнай зале прыродазнаўчых і тэхнічных навук (чытальная зала № 1, 4 паверх, п. 401).

19.07.2018

У Інстытуце фізіка-арганічнай хіміі адбудзецца адкрытая лекцыя Антона Шолуха ў рамках грамадска-навуковай ініцыятывы “Вучоныя без межаў”

Грамадска-навуковая ініцыятыва “Вучоныя без межаў” запрашае на чарговы даклад беларускага вучонага, які жыве і працуе за мяжой. Антон Шолух прадставіць даклад “Сістэмныя і мясцовыя антыцелы ў “глыбока эшаланіраванай” імуннай абароне ад вірусных інфекцый” (“Systemic and local antibodies in immune defense-in-depth against viral infections”).

18.07.2018

Адзяленне гуманітарных навук і мастацтваў аб’яўляе конкурс паэтычных твораў

З нагоды 90-годдзя Нацыянальнай акадэміі навук Беларусі і ў сувязі з аб’яўленым Годам малой радзімы Адзяленне гуманітарных навук і мастацтваў аб’яўляе конкурс паэтычных твораў на тэму Радзімы, маці, ратнага подзвігу народа, працы чалавека на зямлі. Для ўдзелу ў конкурсе запрашаюцца супрацоўнікі Акадэміі навук, якія маюць паэтычны талент, мастацкі густ і могуць на адпаведным эстэтычным узроўні выказаць свае думкі і эмоцыі. Лепшыя з дасланых твораў будуць змешчаны ў агульнаакадэмічным зборніку “Зямлі, навекі блаславёнай”.

09.07.2018

У НАН Беларусі адбыўся круглы стол “Беларуская дзяржаўнасць: гістарычная канцэпцыя і ідэалогія”, прымеркаваны да Дня Незалежнасці Рэспублікі Беларусь

29 чэрвеня 2018 года Савет маладых вучоных Аддзялення гуманітарных навук і мастацтваў НАН Беларусі правёў экспертны круглы стол “Беларуская дзяржаўнасць: гістарычная канцэпцыя і ідэалогія”, прымеркаваны да Дня Незалежнасці Рэспублікі Беларусь. На навуковым мерапрыемстве прагучалі экспертныя меркаванні як ужо вядомых даследчыкаў, так і маладых навукоўцаў. Зацікаўленасць у экспертным абмеркаванні праявілі прадстаўнікі аналітычнай групы Рэспубліканскага грамадскага аб’яднання “Белая Русь”.

06.07.2018

Адбылася цырымонія ўручэння дзяржаўных дыпломаў выпускнікам магістратуры Інстытута падрыхтоўкі навуковых кадраў НАН Беларусі

6 ліпеня 2018 года ў Цэнтральнай навуковай бібліятэцы імя Я.Коласа НАН Беларусі адбылася цырымонія ўручэння дзяржаўных дыпломаў выпускнікам магістратуры Інстытута падрыхтоўкі навуковых кадраў НАН Беларусі 2018 года.
У рамках рэалізацыі канцэпцыі “Універсітэт 3.0” у адпаведнасці са Стратэгіяй “Навука і тэхналогіі 2018-2040”, прынятай на 2-м з’ездзе вучоных Рэспублікі Беларусь, у магістратуры НАН Беларусі вядзецца фарміраванне новай якасці кадравага патэнцыялу пад кіраўніцтвам акадэмікаў, членаў-карэспандэнтаў і вядучых вучоных. Падрыхтоўка магістраў вялася па спецыяльнасцях: біялогія, мастацтвазнаўства, машынабудаванне і машыназнаўства, прыкладная матэматыка і інфарматыка, сацыялогія, фізіка, хімія, эканоміка і кіраванне народнай гаспадаркай.

29.06.2018

Інстытут падрыхтоўкі навуковых кадраў НАН Беларусі працягвае прыём дакументаў для паступлення ў магістратуру

Дзяржаўная ўстанова адукацыі “Інстытут падрыхтоўкі навуковых кадраў НАН Беларусі” аб’яўляе набор у магістратуру па наступных спецыяльнасцях:
1-21 80 14 Мастацтвазнаўства з прысваеннем ступені магістра мастацтвазнаўства
1-21 80 17 Археалогія з прысваеннем ступені магістра гістарычных навук
1-23 80 04 Сацыялогія з прысваеннем ступені магістра сацыялагічных навук
1-25 80 04 Эканоміка і кіраванне народнай гаспадаркай з прысваеннем ступені магістра эканамічных навук
1-31 80 01 Біялогія з прысваеннем ступені магістра біялагічных навук
1-31 80 05 Фізіка з прысваеннем ступені магістра фізіка-матэматычных навук
1-31 80 06 Хімія з прысваеннем ступені магістра хімічных навук
1-31 80 09 Прыкладная матэматыка і інфарматыка з прысваеннем ступені магістра фізіка-матэматычных навук
1-36 80 03 Машынабудаванне і Машыназнаўства з прысваеннем ступені магістра тэхнічных навук

29.06.2018

Віншаванне Старшыні Прэзідыума НАН Беларусі Уладзіміра Гусакова з Днём Незалежнасці

Паважаныя калегі, дарагія ветэраны!
Ад імя Прэзідыума НАН Беларусі і ад сябе асабіста віншую вас з галоўным святам беларускай дзяржаўнасці – Днём Незалежнасці (Днём Рэспублікі).
Гісторыя краіны перадаецца па спадчыне. Успаміны перадаюцца ад дзядоў да ўнукаў, з апавяданняў – у сэрца. Памяць жыве ў кожным з нас. 3 ліпеня мы аддаём даніну павагі тым, дзякуючы каму была здабыта перамога ў барацьбе за свабоду і незалежнасць нашай краіны. Гэта гістарычная дата – напамін пра тое, якой цаной дасталася свабода беларускаму народу.

28.06.2018

Аб’яўляецца конкурс 2018 года на саісканне прэмій Расійскай акадэміі навук і Нацыянальнай акадэміі навук Беларусі

Нацыянальная акадэмія навук Беларусі аб’яўляе конкурс 2018 года на саісканне прэмій Расійскай акадэміі навук і Нацыянальнай акадэміі навук Беларусі.
Прэміі Расійскай акадэміі навук і Нацыянальнай акадэміі навук Беларусі прысуджаюцца за выдатныя навуковыя вынікі, атрыманыя ў ходзе сумесных даследаванняў у галіне прыродазнаўчых, тэхнічных, гуманітарных і сацыяльных навук, якія маюць важнае навуковае і практычнае значэнне. У конкурсе на саісканне прэмій могуць удзельнічаць расійскія і беларускія вучоныя, якія з’яўляюцца грамадзянамі Расійскай Федэрацыі і Рэспублікі Беларусь і працуюць у навуковых арганізацыях, падведамных Міністэрству навукі і вышэйшай адукацыі Расійскай Федэрацыі, і ў навуковых арганізацыях Нацыянальнай акадэміі навук Беларусі.

28.06.2018

28 чэрвеня 2018 года ў Інстытуце эканомікі Нацыянальнай акадэміі навук Беларусі адбыўся круглы стол “Сацыяльна-эканамічнае развіццё Беларусі: праблемы і шляхі вырашэння”, прымеркаваны да Дня эканаміста

28 чэрвеня 2018 года ў Інстытуце эканомікі Нацыянальнай акадэміі навук Беларусі адбыўся круглы стол “Сацыяльна-эканамічнае развіццё Беларусі: праблемы і шляхі вырашэння”, прымеркаваны да Дня эканаміста.
Мерапрыемства арганізавана Саветам маладых вучоных Інстытута эканомікі Нацыянальнай акадэміі навук Беларусі з мэтай абмеркавання актуальных выклікаў і перспектыў сацыяльна-эканамічнага развіцця Рэспублікі Беларусь.
У пасяджэнні круглага стала прынялі ўдзел больш за 50 прадстаўнікоў навуковых арганізацый Нацыянальнай акадэміі навук Беларусі, якія выконваюць НДР у галіне эканомікі, устаноў вышэйшай адукацыі, Еўразійскай эканамічнай камісіі і сродкаў масавай інфармацыі.

27.06.2018

Беларусь атрымала статус асацыяванага члена Навуковага камітэта антарктычных даследаванняў

Беларусь у асобе НАН Беларусі атрымала статус асацыяванага члена Навуковага камітэта антарктычных даследаванняў (SCAR). Пра гэта паведаміў Аляксей Гайдашоў, намеснік начальніка Рэспубліканскага цэнтра палярных даследаванняў НАН Беларусі – начальнік Беларускай антарктычнай экспедыцыі, які ў цяперашні час прымае ўдзел у пасяджэнні SCAR ў г. Давос (Швейцарыя). “Рады паведаміць, што 25 чэрвеня 2018 года на пасяджэнні SCAR прынята аднагалоснае рашэнне аб узгадненні Рэспубліцы Беларусь у асобе НАН Беларусі статусу асацыяванага члена Навуковага камітэта антарктычных даследаванняў. Шматгадовая камандная праца калектыву НАН Беларусі ў гэтым кірунку атрымала годную ацэнку сусветнай антарктычнай супольнасці і дазволіла нашай краіне значна павысіць свой навуковы статус у шэрагах краін – даследчыкаў Антарктыкі і адкрыць новыя магчымасці ў развіцці міжнароднай навуковай кааперацыі ў Антарктыцы”, – падкрэсліў Аляксей Гайдашоў.

22.06.2018

Намеснік Старшыні Прэзідыума НАН Беларусі акадэмік Сяргей Кілін выступіў на пасяджэнні Высокага ўзроўню Сімпозіума “UNISPACE + 50” у Вене

Дэлегацыя Рэспублікі Беларусь прымае ўдзел у юбілейных мерапрыемствах Камітэта ААН па космасе, прысвечаных 50-годдзю Сусветнай канферэнцыі ААН па даследаванні і выкарыстанні касмічнай прасторы ў мірных мэтах “ЮНІСПЕЙС +50” ( «UNISPACE + 50»), якія праходзяць у Вене.
21 чэрвеня 2018 года кіраўнік дэлегацыі Рэспублікі Беларусь, намеснік Старшыні Прэзідыума НАН Беларусі акадэмік Сяргей Кілін выступіў на пасяджэнні Высокага ўзроўню Сімпозіума “ЮНІСПЕЙС +50” ( «UNISPACE + 50»).

21.06.2018

У НАН Беларусі прайшоў Рэспубліканскі круглы стол “Адлюстраванне сучаснай Беларусі ў мастацкай літаратуры”

21 чэрвеня 2018 года ў Інстытуце літаратуразнаўства імя Янкі Купалы Цэнтра даследаванняў беларускай культуры, мовы і літаратуры прайшоў Рэспубліканскі круглы стол “Адлюстраванне сучаснай Беларусі ў мастацкай літаратуры”.
Да ўдзелу ў круглым стале былі запрошаны літаратуразнаўцы, пісьменнікі, мовазнаўцы, фалькларысты, гісторыкі, краязнаўцы, культуролагі, мастацтвазнаўцы, філосафы, музеязнаўцы, бібліятэкары, якія абмеркавалі асноўныя дасягненні прыгожага пісьменства ў адлюстраванні жыцця сучаснай Беларусі і асэнсаванні перспектыў далейшага развіцця мастацкай літаратуры суверэннай Беларусі.

21.06.2018

У Цэнтральнай навуковай бібліятэцы імя Якуба Коласа адбудзецца творчы вечар В. А. Салеева на тэму “Эстэтыка і мастацтва”

22 чэрвеня 2018 года ў 15.30 у Цэнтральнай навуковай бібліятэцы імя Якуба Коласа НАН Беларусі адбудзецца творчы вечар В. А. Салеева на тэму “Эстэтыка і мастацтва”.
Вадзім Аляксеевіч Салееў – доктар філасофскіх навук, прафесар, заслужаны дзеяч культуры Рэспублікі Беларусь, з’яўляецца адным з вядучых спецыялістаў СНД у галіне эстэтыкі і культуралогіі. Першы віцэ-прэзідэнт Беларускай эстэтычнай асацыяцыі, вядомы мастацкі крытык, член 4 грамадскіх акадэмій, у тым ліку Беларускай Акадэміі архітэктуры і Пятроўскай акадэміі навук і мастацтваў. Галоўны рэдактар часопіса “Артэфакт” (з 2013).

19.06.2018

У НАН Беларусі адбудзецца Рэспубліканскі круглы стол “Адлюстраванне сучаснай Беларусі ў мастацкай літаратуры”

21 чэрвеня 2018 года у 10.00 ў НАН Беларусі (вул. Сурганава, д.1, корп.2, канферэнц-зала 302) адбудзецца Рэспубліканскі круглы стол “Адлюстраванне сучаснай Беларусі ў мастацкай літаратуры”.
Нацыянальная літаратура з’яўляецца адлюстраваннем менталітэту, культурнай адметнасці, асаблівасцей грамадскага жыцця і гістарычнага шляху беларускага народа. Адзначанае неабходна падкрэсліць і асэнсаваць менавіта да 90-годдзя НАН Беларусі і ў Год малой радзімы таму, што адно з найбольш актуальных пытанняў сучаснасці, якое хвалюе прадстаўнікоў гуманітарнай навукі, – фарміраванне нацыянальнай свядомасці і любові да сваёй краіны на падставе мастацкіх твораў. Мэта круглага стала: абмеркаванне асноўных дасягненняў прыгожага пісьменства ў адлюстраванні жыцця сучаснай Беларусі і асэнсаванне перспектыў далейшага развіцця мастацкай літаратуры суверэннай Беларусі.

19.06.2018

Савет маладых вучоных НАН Беларусі запрашае прыняць удзел у XV Міжнароднай навуковай канферэнцыі “Моладзь у навуцы - 2.0'18”

Савет маладых вучоных НАН Беларусі запрашае прыняць удзел маладых вучоных (у тым ліку студэнтаў, магістрантаў, аспірантаў) у XV Міжнароднай навуковай канферэнцыі “Моладзь у навуцы - 2.0'18” (29 кастрычніка – 1 лістапада 2018, Мінск). У рамках канферэнцыі прадугледжваецца правядзенне секцыйных і міждысцыплінарных пасяджэнняў, майстар-класаў, панэльных дыскусій і іншых мерапрыемстваў, прысвечаных дзейнасці маладых вучоных. Работа канферэнцыі будзе арганізавана на англійскай, рускай і беларускай мовах.

18.06.2018

18 чэрвеня 2018 года спаўняецца 80 гадоў з дня нараджэння акадэміка НАН Беларусі Анатолія Лабанка

18 чэрвеня 2018 года спаўняецца 80 гадоў з дня нараджэння і 55 гадоў навукова-арганізацыйнай, педагагічнай і грамадскай дзейнасці акадэміка НАН Беларусі Анатолія Георгіевіча Лабанка – Ганаровага дырэктара Інстытута мікрабіялогіі НАН Беларусі, доктара біялагічных навук, прафесара, заслужанага дзеяча навукі Рэспублікі Беларусь.
Віншаванне юбіляра адбудзецца на пашыраным пасяджэнні Вучонага савета Інстытута мікрабіялогіі НАН Беларусі 18 чэрвеня 2018 года ў 15.00 у канферэнц-зале інстытута (г. Мінск, вул. акад. В.Ф.Купрэвіча, 2).


Новости 1 - 20 из 988
Начало | Пред. | 1 2 3 4 5 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай