Акадэмік-сакратар:
Акадэмік Ігар Дзмітрыевіч ВАЛАТОЎСКІ, тэл.: (017) 284-03-79
Намеснік акадэміка-сакратара:
тэл.: (017) 284-14-01
Вучоны сакратар:
к.б.н. Алена Мікалаеўна ЛОЙКА, тэл.: (017) 284-28-21
Адрас: 220072, г. Мінск, пр-т Незалежнасці, 66
E-mail: biology@presidium.bas-net.by. Тэл.: (017) 284-28-19. Факс: (017) 284-03-71
Аддзяленне біялагічных навук НАН Беларусі створана ў 1956 годзе шляхам рэарганізацыі Аддзялення біялагічных, сельскагаспадарчых і медыцынскіх навук Акадэміі навук БССР, выконвае і каардынуе комплекс даследаванняў у розных галінах біялагічных навук.
Асноўныя напрамкі даследаванняў і распрацовак навуковых арганізацый, замацаваных за Аддзяленнем, уключаюць рашэнне праблем геномікі і пратэомікі, біялагічных асноў рацыянальнага выкарыстання і аховы расліннага свету, малекулярна-мембраннай біяфізікі і біяхіміі фотабіялагічных і рэгуляторных працэсаў у клетцы як асновы кіравання жіццядзейнасцю раслінных і жывёльных арганізмаў, генетычных і фізіёлага-біяхімічных працэсаў рэгуляцыі жыццядзейнасці раслін і жывёл з мэтай кіравання іх прадуктыўнасцю і ўстойлівасцю, эколагабяспечнае выкарыстанне прыродных комплексаў, распрацоўка тэхналогій устойлівага кіравання лясамі і лесакарыстання, рэканструкцыі і аховы жывёльнага свету.
У склад Аддзялення біялагічных навук уваходзяць Навукова-практычны цэнтр па біярэсурсах, які ўключае інстытуты лесу, эксперыментальнай батанікі і Цэнтральны батанічны сад, а таксама Інстытут біяфізікі і клетачнай інжынерыі. Па стане на 1 студзеня 2008 года ў склад Аддзялення ўваходзіла 9 акадэмікаў і 17 членаў-карэспандэнтаў НАН Беларусі, у замацаваных за Аддзяленнем арганізацыях працавала каля 915 чалавек, у тым ліку 519 даследчыкаў, 46 дактароў і 194 кандыдаты навук.
Замацаваныя арганізацыі
Навукова-практычны цэнтр па біярэсурсах
Інстытут лесу
Дзвінская эксперыментальная лясная база Інстытута лесу
Жорнаўская эксперыментальная лясная база Інстытута лесу
Каранёўская эксперыментальная лясная база Інстытута лесу
Інстытут эксперыментальнай батанікі імя В.Ф.Купрэвіча
Цэнтральны батанічны сад
Інстытут біяфізікі і клетачнай інжынерыі
