Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Арганізацыі Аддзялення хіміі і навук аб Зямлі

Галоўная старонка / Арганізацыі / Арганізацыі Аддзялення хіміі і навук аб Зямлі





Дзяржаўнае навукова-вытворчае аб'яднанне
"ХІМІЧНЫЯ ПРАДУКТЫ І ТЭХНАЛОГІІ"

вул. Сурганава, 9, корп. 1, 220072, г. Мінск, Рэспубліка Беларусь
Факс: (017) 284-27-03. E-mail: secretar@igic.bas-net.by


Заснавана ў 2007 г.

Генеральны дырэктар: акадэмік Мікалай Паўлавіч КРУЦЬКО, тэл.: (017) 284-27-42

Напрамкі дзейнасці: Аб’яднанне ажыццяўляе агульнае кіраўніцтва, кіраванне, каардынацыю дзейнасці і прадстаўленне інтарэсаў юрыдычных асоб, якія ўваходзяць у яго склад. Стратэгічна дзейнасць Аб’яднання арыентавана на навукова-тэхналагічнае суправаджэнне работы прадпрыемстваў па вытворчасці мінеральных угнаенняў, функцыянальных палімерных матэрыялаў, прадуктаў малатанажнай хіміі, цеснае ўзаемадзеянне з арганізацыямі Мінбудархітэктуры, Мінтранса па пытаннях хімізацыі грамадзянскага і дарожнага будаўніцтва.



Дзяржаўная навуковая ўстанова
ІНСТЫТУТ АГУЛЬНАЙ І НЕАРГАНІЧНАЙ ХІМІІ

вул. Сурганава, 9, корп. 1, 220072, г. Мінск, Рэспубліка Беларусь
Факс: (017) 284-27-03. E-mail: secretar@igic.bas-net.by
Вэб-сайт: http://www.igic.bas-net.by


Створаны ў 1959 г.

Дырэктар: член-карэспандэнт Анатолій Іосіфавіч КУЛАК, тэл.: (017) 284-17-23
Нам. дыр. па навуковай рабоце: д.х.н. Анрэй Іванавіч ІВАНЕЦ, тэл.: (017) 284-27-12
Вучоны сакратар: к.х.н. Галіна Валер'еўна БОНДАРАВА, тэл.: (017) 332-16-40

Напрамкі дзейнасці: Навуковае абгрунтаванне тэхналогій перапрацоўкі полімінеральных руд, павышэнне якасці і стварэнне новых форм мінеральных угнаенняў. Даследаванне працэсаў структураўтварэння ў нафтавых і аргана-мінеральных дысперсіях; стварэнне новых тэхналогій і кампазіцыйных матэрыялаў для грамадзянскага, дарожнага будаўніцтва і нафтаперапрацоўкі. Распрацоўка новых неарганічных адсарбентаў, каталітычна актыўных і мембранных матэрыялаў для водападрыхтоўкі і ачысткі тэхналагічных вадкіх асяроддзяў, новых кампазіцыйных і гібрыдных матэрыялаў – фотакаталізатараў, неарганічных біяматэрыялаў, дабавак для абароны ад падробкі каштоўных і дакументных папер. Распрацоўка саставаў і тэхналогій прымянення неарганічных каагулянтаў і палімерных флакулянтаў для ачысткі сцёкавых вод і абязводжвання глініста-солевых дысперсій. Распрацоўка новых хімічных дабавак – пластыфікатараў, гідрафабізатараў, рэгулятараў цвярдзення бетонаў і будаўнічых раствораў, герметызавальных, гідраізаляцыйных матэрыялаў.

Структурныя падраздзяленні: аддзелы: кампазіцыйных матэрыялаў (лабараторыі: магніевых злучэнняў; нафтавых і аргана-мінеральных дысперсій, палімерутрымліваючых дысперсных сістэм); мінеральных угнаенняў (лабараторыі: калійных угнаенняў; комплексных угнаенняў), спецыяльных матэрыялаў, фотахіміі і электрахіміі; лабараторыі адсарбентаў і адсарбцыйных працэсаў, хіміі лакафарбавых і вяжучых матэрыялаў, фізіка-хімічных даследаванняў і аграхімічных выпрабаванняў; інфармацыйна-аналітычны патэнтны аддзел

Аспірантура па спецыяльнасцях: 02.00.04 Фізічная хімія; 02.00.11 Калоідная хімія

Дактарантура па спецыяльнасцях: 02.00.11 Калоідная хімія

Прадукцыя і паслугі: Тэхналогіі комплекснай перапрацоўкі полімінеральных калійных руд. Распрацоўка зыходных дадзеных і абгрунтаванне тэхналагічных падыходаў для арганізацыі новых горна-абагачальных вытворчасцей. Сарбцыйна-каталітычныя і мембранныя матэрыялы; прамысловыя ўстаноўкі для ачысткі вады ад жалеза, марганцу, серавадароду, вадкіх і газавых асяроддзяў ад механічных і колоідных прымесей. Правядзенне выпрабаванняў і кантроль якасці хімічных рэагентаў і матэрыялаў на аснове ПАВ, палімераў, бітумаў, бітумных эмульсій, нафтапрадуктаў; хімічны аналіз солей і мінеральных угнаенняў (Лабараторыя нафтавых і аргана-мінеральных дысперсій, акрэдытаваная па СТБ ІСО \ МЭК 17025-2001). Выпрабаванне рэжымаў і распрацоўка комплекснай праграмы рэагентнай апрацоўкі цыркуляцыйнай вады абаротных сістэм астуджэння. Вытворчасць эпаксідных, эпаксі-поліэфірных і поліэфірных парашковых фарбаў для фарміравання антыкаразійных, хімічна ўстойлівых электраізаляцыйных пакрыццяў.


logo   
Дзяржаўная навуковая ўстанова
ІНСТЫТУТ ФІЗІКА-АРГАНІЧНАЙ ХІМІІ

вул. Сурганава, 13, 220072, г. Мінск, Рэспубліка Беларусь
Факс: (017) 284-16-32. E-mail: ifoch@ifoch.bas-net.by, ifoch@ifoch.bas-net.by, secr@ifoch.bas-net.by
Вэб-сайт: http://ifoch.by


Створаны ў 1929 г.

Дырэктар: акадэмік Аляксандр Віктаравіч БІЛЬДЗЮКЕВІЧ, тэл.: (017) 284-00-97
Нам.дыр. па навуковай рабоце: к.х.н. Валерый Іванавіч МАРЦІНОВІЧ, тэл.: (017) 284-09-72
Вучоны сакратар: к.х.н. Святлана Анатольеўна ПРАЦЭНКА, тэл.: (017) 284-16-79

Напрамкі дзейнасці: Правядзенне даследаванняў у галіне хіміі і фізіка-хіміі спецыяльных палімераў, арганічны сінтэз (уключаючы сінтэз рэагентаў для мадыфікацыі бялкоў, нуклеінавых кіслот, метабалітаў, сінтэз ізатопна-мадыфікаваных поліненасычаных тлустых кіслот); стварэнне лекавых субстанцый на аснове амінакіслот і іх вытворных; атрыманне, даследаванне і прымяненне новых рэчываў і матэрыялаў (мембран, валакністых сарбентаў, каталізатараў, дапаможных матэрыялаў, прадуктаў малатанажнай хіміі); распрацоўка матэрыялаў і тэхналогій для аховы навакольнага асяроддзя і здароўя чалавека

Структурныя падраздзяленні: Аддзел высокамалекулярных злучэнняў: лабараторыя мембранных працэсаў; лабараторыя іоннага абмену і сорбцыі; лабараторыя сінтэзу і даследаванні ўласцівасцей іонаабменных валокнаў; тэматычная група мадыфікацыі прыродных палімераў; тэматычная груп аптычных палярызатараў. Аддзел лекавых рэчываў: лабараторыя сінтэзу і даследаванні ўласцівасцей біялагічна актыўных рэчываў; лабараторыя вытворных амінакіслот; тэматычная група тэхналогіі біялагічна актыўных рэчываў, тэматычная група мікрабіялагічнага сінтэзу. Аддзел арганічнай хіміі: лабараторыя элементаарганічных злучэнняў; лабараторыя хіміі біякан’югатаў; тэматычная група хіміі азотазмяшчальных арганічных рэчываў. Лабараторыя фізіка-хімічных метадаў даследавання.

Аспірантура па спецыяльнасцях: 02.00.03 Арганічная хімія; 02.00.04 Фізічная хімія; 02.00.06 Высокамалекулярныя злучэнні

Дактарантура па спецыяльнасцях: 02.00.03 Арганічная хімія; 02.00.04 Фізічная хімія; 02.00.06 Высокамалекулярныя злучэнні

Прадукцыя і паслугі: хімічна актыўныя матэрыялы (іаніты, сарбенты, камплексоны, каталізатары) у выглядзе валокнаў, штапелю, нятканых матэрыялаў і тканін, ахоўныя касцюмы (ФІБАН®); іанітныя глебы (іонаабменныя пажыўныя субстраты) для вырошчвання раслін (БІАНА®); мембраны і мембранная тэхналогія (мікра-, ультра- і нанафільтрацыя, первапарацыя, падзел газаў) (МІФІЛ®); фармацэўтычныя субстанцыі на аснове хімічных вытворных амінакіслот; тэхналагічныя харчовыя дабаўкі; арганічны сінтэз; сінтэз мадыфікаваных ДНК- і РНК-алігануклеатыдаў; фосфарамідзіты і актываваныя эфіры флуарэсцэнтных фарбавальнікаў і біялагічна актыўных пазнак; цвердафазныя носьбіты для сінтэзу алігануклеатыдаў; рэагенты для “клік-хіміі”; мікраўгнаенні новага пакалення на аснове наначасціц біяэлементаў НАНАПЛАНТ®; біялагічна актыўныя дабаўкі да ежы і для харчавання спартсменаў НІКА®


logo   
Дзяржаўная навуковая ўстанова
ІНСТЫТУТ БІЯАРГАНІЧНАЙ ХІМІІ

вул. акадэміка В.Ф. Купрэвіча, 5, корп. 2, 220141, г. Мінск, Рэспубліка Беларусь
Факс: (017) 267-87-61. E-mail: info@iboch.bas-net.by
Вэб-сайт: http://iboch.bas-net.by


Створаны ў 1974 г.

Дырэктар: к.х.н. Святлана Валер'еўна БАБІЦКАЯ, тэл.: (017) 267-87-61
Нам.дыр. па навуковай рабоце: к.х.н. Наталля Барысаўна ХРЫПАЧ, тэл.: (017) 267-87-53
Нам. дыр. па навуковай і інавацыйнай рабоце: начальнік НПЦ “ХімФармСінтэз”: член-карэспандэнт Алена Мікалаеўна КАЛІНЧАНКА, тэл.: (017) 265-06-11

Напрамкі дзейнасці: Фундаментальныя і прыкладныя даследаванні ў галіне хіміі, структуры і функцыі біяпалімераў і нізкамалекулярных біярэгулятараў, у тым ліку бялкоў, нуклеінавых кіслот і іх кампанентаў, фасфаліпідаў, стэроідаў, простагландынаў, брассінастэроідаў, экдыстэроідаў. Распрацоўка і доследна-прамысловы выпуск імунахімічных і малекулярна-біялагічных набораў рэактываў для медыцынскай і ветэрынарнай дыягностыкі. Распрацоўка і вытворчасць фармацэўтычных субстанцый, гарманальных прэпаратаў і біяспецыфічных гемасарбентаў. Распрацоўка тэхналогій вытворчасці і прымянення стымулятараў росту і сродкаў абароны раслін. Эксперыментальная і клінічная фармакалогія, фармацыя і тэхналогія лекаў, таксікалогія, біяхімія чалавека і жывёл, біямедыцынская і фармацэўтычная хімія. Даклінічныя, біяэквівалентныя і фармацэўтычныя выпрабаванні

Структурныя падраздзяленні: лабараторыя фізіка-хімічных метадаў даследавання, лабараторыя хіміі і выпрабаванняў пестыцыдаў, лабараторыя хіміі ліпідаў, лабараторыя хіміі простагландынаў, лабараторыя хіміі стэроідаў, лабараторыя бялковай інжынерыі, лабараторыя малекулярнай дыягностыкі і біятэхналогіі, лабараторыя хіміі бялковых гармонаў, лабараторыя прыкладной біяхіміі, лабараторыя прыкладной энзімалогіі, лабараторыя хіміі нуклеатыдаў і полінуклеатыдаў. Аддзел фармакалогіі і фармацыі (лабараторыя фармакалагічных даследаванняў, лабараторыя таксікалогіі, лабараторыя фармацэўтычных выпрабаванняў); навукова-вытворчы цэнтр “Хімфармсінтэз”

Аспірантура па спецыяльнасцях: 02.00.10 Біяарганічная хімія, 02.00.03 Арганічная хімія, 03.01.04 Біяхімія (хімічныя навукі), 03.01.02 Біяфізіка, 14.03.06 Фармакалогія, клінічная фармакалогія

Дактарантура па спецыяльнасцях: 02.00.10 Біяарганічная хімія, 02.00.03 Арганічная хімія, 03.01.04 Біяхімія (хімічныя навукі)

Прадукцыя і паслугі: дыягнастычныя наборы; фармацэўтычныя субстанцыі; супрацьпухлінныя прэпараты, гемасарбенты, хімічныя сродкі абароны раслін; спектраскапічныя даследаванні на ЯМР спектрометры высокага дазволу і мас-спектрометры, фармакалагічныя і фармацэўтычныя даследаванні


logo   
Унітарнае прадпрыемства
ДЗЯРЖРАЗЛІКОВАЯ ДОСЛЕДНАЯ ВЫТВОРЧАСЦЬ
ІНСТЫТУТА БІЯАРГАНІЧНАЙ ХІМІІ

вул. акадэміка В.Ф. Купрэвіча, 5, корп. 3, 220141, г. Мінск, Рэспубліка Беларусь
Факс: (017) 369-82-57. E-mail: hopmang.bel@gmail.com
Веб-сайт: http://www.hopiboh.org


Створана ў 1986 г.

Дырэктар: к.х.н. Улідзімір Віктаравіч СІМІРСКІ, тэл.: (017) 268-11-51

Напрамкі дзейнасці: Распрацоўка і вытворчасць імунахімічных тэст-сістэм (набораў рэагентаў) для in vitro дыягностыкі захворванняў чалавека

Структурныя падраздзяленні: вытворчы аддзел, камерцыйны аддзел, бюро тэхнічнага кантролю

Прадукцыя і паслугі: радыеімунныя і імунаферментныя наборы для дыягностыкі захворванняў чалавека – саматычных і інфекцыйных; спецыяльныя прабіркі для хуткага атрымання сывараткі крыві чалавека


logo   
Рэспубліканскае вытворчае ўнітарнае прадпрыемства
"АКАДЭМФАРМ"

вул. акадэміка В.Ф.Купрэвіча, 5/3, 220141, г. Мінск, Рэспубліка Беларусь
Факс: (017) 268-63-64. E-mail: production@academpharm.by
Вэб-сайт: http://academpharm.by


Створана ў 2009 г.

Дырэктар: Наталля Іванаўна САФРОНАВА, тэл.: (017) 268-63-64

Напрамкі дзейнасці: Прамысловы выпуск лекавых сродкаў і іншых фармацэўтычных прадуктаў, вітамінных, вітамінна-мінеральных і метабалічных комплексаў; распрацоўка гатовых форм і доследная вытворчасць фармацэўтычных прадуктаў; лабараторныя фармацэўтычныя даследаванні; кантрактная фармацэўтычная вытворчасць

Структурныя падраздзяленні: цэх па вытворчасці фармацэўтычных прадуктаў; аддзел навукова даследчых распрацовак; аддзел кантролю якасці; аддзел матэрыяльна-тэхнічнага забеспячэння і рэалізацыі, аддзел галоўнага механіка, аддзел галоўнага энергетыка

Прадукцыя і паслугі: лекавыя сродкі для лячэння захворванняў стрававальнага тракта і парушэнняў абмену рэчываў, захворванняў сардэчна-сасудзістай сістэмы, хвароб урагенітальных органаў, захворванняў касцёва-мышачнай сістэмы, неўралагічных захворванняў і расстройстваў органаў пачуццяў, полівітамінныя, вітамінна-мінеральныя і метабалічныя комплексы; іншыя лекавыя прэпараты; лабараторныя фармацэўтычныя даследаванні; кантрактная фармацэўтычная вытворчасць.


logo   
Дзяржаўная навуковая ўстанова
ІНСТЫТУТ ПРЫРОДАКАРЫСТАННЯ

вул. Фр. Скарыны, 10, 220114, г. Мінск, Рэспубліка Беларусь
Факс: (017) 267-24-13. E-mail: nature@ecology.basnet.by
Вэб-сайт: http://ecology.basnet.by


Створаны ў 1932 г.

Дырэктар: акадэмік Аляксандр Кірылавіч КАРАБАНАЎ, тэл.: (017) 267-26-32
Нам.дыр. па навуковай рабоце: д.г.н. Валерый Сцяпанавіч ХОМІЧ, тэл.: (017) 267-24-19
Нам.дыр. па навуковай рабоце: к.х.н. Аляксей Эмануілавіч ТОМСАН, тэл.: (017) 266-37-82
Вучоны сакратар: к.т.н. Галіна Анатольеўна КАМЫШЭНКА, тэл.: (017) 267-20-33

Напрамкі дзейнасці: Распрацоўка навуковых асноў прыродакарыстання і нетракарыстання, аховы навакольнага асяроддзя; ацэнка, прагназаванне і аптымізацыя антрапагенных уздзеянняў на прыродныя комплексы. Навуковае абгрунтаванне стварэння рэсурсазберагальных тэхналогій здабычы, перапрацоўкі і выкарыстання цвёрдых гаручых выкапняў. Вывучэнне ўмоў фарміравання і ацэнка стану прэсных пітных і мінеральных вод; вывучэнне геадынамікі зямной кары і сучасных геалагічных працэсаў на тэрыторыі Беларусі. Геаэкалагічнае абгрунтаванне праектавання і размяшчэння асабліва адказных збудаванняў і эколаганебяспечных аб’ектаў

Структурныя падраздзяленні: Цэнтр па торфу і сапрапелях, які аб’ядноўвае лабараторыі: экатэхналогій, выкарыстання і аховы тарфяных і сапрапелевых радовішчаў, біягеахіміі і аграэкалогіі, фізіка-хімічнай механікі прыродных дысперсных сістэм; Цэнтр экалогіі гарадоў і трансгранічнага забруджвання, які аб’ядноўвае лабараторыі: аптымізацыі геасістэм, трансгранічнага забруджвання; Цэнтр літасферы і мінерагеніі, які аб’ядноўвае лабараторыі: гідрагеалогіі і гідраэкалогіі, геадынамікі і палеагеаграфіі, геатэкктонікі і геафізікі; Цэнтр кліматычных даследаванняў; філіял “Эксперыментальная база Свіслач”

Аспірантура па спецыяльнасцях: 05.17.07 Хімічная тэхналогія паліва і высокаэнергетычных прадуктаў (тэхнічныя навукі); 25.01.01 Агульная і рэгіянальная геалогія (геолага-мінералагічныя навукі); 25.02.10 Геатэхналогіі (падземная, адкрытая і будаўнічая) (тэхнічныя навукі); 25.03.05 Гідралогія сушы, водныя рэсурсы, гідрахімія (геаграфічныя навукі); 25.03.08 Метэаралогія, кліматалогія, аграметэаралогія (геаграфічныя навукі); 25.03.13 Геаэкалогія (геаграфічныя навукі, тэхнічныя навукі)

Прадукцыя і паслугі: распрацоўка тэхналогій па атрыманні прадукцыі на аснове торфу, сапрапелю, бурага вугалю (сарбенты, грунты, арганічныя ўгнаенні, біялагічна актыўныя прэпараты для раслінаводства і жывёлагадоўлі, актываваныя вуглі, фарбавальнікі і інш.); тэхналогіі атрымання кансервацыйных алеяў, змазак, інгібітараў карозіі, танкаплёначных пакрыццяў для металаапрацоўчай прамысловасці; тэхналогіі здабычы і выкарыстання азёрных сапрапеляў і сапрапеляў, якія залягаюць пад торфам; сертыфікацыйныя выпрабаванні прадукцыі на аснове торфу, сапрапелю, бурых вуглёў і інш.; фундаментальныя і прыкладныя даследаванні па кліматалогіі, геаэкалогіі, гідрагеалогіі, геадынаміцы, геаграфіі, палеагеаграфіі


logo   
Дзяржаўная навуковая ўстанова
ПАЛЕСКІ АГРАРНА-ЭКАЛАГІЧНЫ ІНСТЫТУТ

вул. Маскоўская, 204, г. Брэст, 224020, Рэспубліка Беларусь
Факс: (0162) 41-34-28. E-mail: info@paei.by
Вэб-сайт: http://paei.by


Створаны ў 2005 г.

Дырэктар: к.б.н. Мікалай Васільевіч МІХАЛЬЧУК, тэл.: (0162) 41-80-81
Нам. дырэктара: к.б.н. Віктар Трафімавіч ДЗЯМЯНЧЫК, тэл.: (0162) 41-54-26
Вучоны сакратар: Алена Аляксандраўна БРЫЛЬ, тэл.: (0162) 41-83-75

Напрамкі дзейнасці: Навуковае забеспячэнне рацыянальнага рэсурсакарыстання і аховы навакольнага асяроддзя ў сферах абыходжання з адходамі і ландшафтна-біялагічнай разнастайнасці. Распрацоўка тэхналогій палявой кормавытворчасці і эфектыўных аграхімічных сістэм у раслінаводстве; якасць кармоў

Структурныя падраздзяленні: лабараторыі аграбіялогіі; біяхіміі; аптымізацыі экасістэм; гідраэкалогіі і экатэхналогій; сектар якасці кармоў

Прадукцыя і паслугі: стварэнне арганамінеральных угнаенняў на аснове адходаў біягазавых установак жывёлагадоўчых комплексаў, арганічных угнаенняў на аснове ападкаў вытворчых і камунальных сцёкавых вод. Стварэнне глебагрунтоў на аснове адходаў вытворчасцей. Сортавыпрабаванні і адаптаваныя севазвароты па вырошчванні кармавых, зернебабовых і збожжавых культур на меліяраваных землях; лабараторныя даследаванні якасці кармоў і якасці вады; абгрунтаванні асабліва ахоўных прыродных тэрыторый, зон санітарнай аховы крыніц водазабеспячэння, водаахоўных зон і прыбярэжных палос; інвентарызацыя аб’ектаў расліннага свету; распрацоўка праектаў лакальных ачышчальных збудаванняў, ацэнка ўздзеянняў на навакольнае асяроддзе; воднабалансавыя разлікі; маніторынг экасістэм і біялагічнай разнастайнасці; кансультацыі па пытаннях аховы навакольнага асяроддзя, аграэкатурызму і земляробства; распрацоўка біялагічна актыўных дабавак; распрацоўка стратэгій устойлівага развіцця; кансалтынгавыя паслугі па выкананні грантавых праектаў.



logo
Дзяржаўная ўстанова
РЭСПУБЛІКАНСКІ ЦЭНТР ПАЛЯРНЫХ ДАСЛЕДАВАННЯЎ

вул. Камсамольская, 16, 220030, г. Мінск, Рэспубліка Беларусь
Факс: (017) 306-29-34. E-mail: gurcpi@mail.ru


Заснаваны ў 2007 г.

Начальнік: Ігар Міхайлавіч ПІЛЬШЧЫКАЎ, тэл.: (017) 306-37-40
Намеснік, начальнік БАЭ: Аляксей Аляксандравіч ГАЙДАШОЎ, тэл.: (017) 306-37-40

Напрамкі дзейнасці: Забеспячэнне выканання мерапрыемстваў Падпраграмы №3 “Маніторынг палярных раёнаў Зямлі, стварэнне беларускай антарктычнай станцыі і забеспячэнне дзейнасці палярных экспедыцый” Дзяржаўнай праграмы “Навукаёмістыя тэхналогіі і тэхніка” на 2016-2020 гады; арганізацыя і ажыццяўленне экспедыцыйна-лагістычнага абслугоўвання работ нацыянальных палярных экспедыцый, узаемадзеянне з арганізацыямі іншых краін, што праводзяць вывучэнне палярных раёнаў Зямлі і міжнароднымі органамі, якія ажыццяўляюць сваю дзейнасць у рамках Дагавора аб Антарктыцы

Структурныя падраздзяленні: беларуская антарктычная экспедыцыя

Мэты: забеспячэнне і ўдзел у правядзенні комплексных навукова-даследчых работ у палярных раёнах Зямлі з мэтай ацэнкі стану і маніторынгу прыроднага асяроддзя, выкарыстання высокашыротных раёнаў планеты ў доўгатэрміновых палітычных, эканамічных і навуковых інтарэсах Рэспублікі Беларусь

Задачы: удзел у падрыхтоўцы і рэалізацыя дзяржаўных і міжнародных праграм у галіне даследавання і выкарыстання палярных раёнаў Зямлі; стварэнне беларускай антарктычнай станцыі; развіццё і ўмацаванне міжнароднага супрацоўніцтва ў галіне вывучэння палярных раёнаў Зямлі і лагістыкі; арганізацыя матэрыяльна-тэхнічнага і лагістычнага забеспячэння палярных даследаванняў, развіццё прыборнай базы і элементаў забеспячэння палярных даследаванняў, развіццё прыборнай базы і элементаў жыццезабеспячэння палярнай інфраструктуры, а таксама іх рамонт, прафілактыка, мадэрнізацыя і своечасовая замена, правядзенне работ у галіне аховы працы.

Функцыі: арганізацыя работы па ўмацаванні міжнароднага супрацоўніцтва ў галіне правядзення палярных даследаванняў; арганізацыя работ па стварэнні беларускай антарктычнай станцыі; ажыццяўленне комплексу мерапрыемстваў па матэрыяльна-тэхнічным і лагістычным забеспячэнні экспедыцыйных работ у палярных раёнах Зямлі, уключаючы прафілактычныя, рамонтныя і будаўнічыя работы, арэнда марскіх і паветраных суднаў; падбор прафесійных кадраў і камплектаванне імі беларускіх зімовачных і сезонных палярных экспедыцый і беларускай палярнай базы (станцыі) на аснове заключаных працоўных і грамадзянска- прававых дагавораў; лагістычная падтрымка пры арганізацыі сістэматычных метэаралагічных, азонаметрычных, лідарных, біялагічных і іншых відаў навуковых назіранняў.



logo
Дзяржаўная ўстанова
“ЦЭНТР ГЕАФІЗІЧНАГА МАНІТОРЫНГУ НАЦЫЯНАЛЬНАЙ АКАДЭМІІ НАВУК БЕЛАРУСІ”

вул. Купрэвіча, 1/3, 220141, г. Мінск, Рэспубліка Беларусь
Тэл.: (017) 369-88-59. Факс: (017) 264-34-19. E-mail: centr@cgm.org.by
Вэб-сайт: http://www.cgm.org.by


Створаны ў 2001 г.

Дырэктар: Генадзій Аркадзьевіч АРОНАЎ, тел.: (017) 369-88-59
Нам. дыр. па геафізічнай службе: Русцям Рызванавіч СЕРАГЛАЗАЎ, тэл.: (017) 369-88-59

Напрамкі дзейнасці:Даследаванне кінематычных і дынамічных параметраў глыбіннай структуры Зямлі, даследаванне рэгіянальных асаблівасцей напружанага стану, структурных неаднастайнасцей і анізатропных уласцівасцей асяроддзя. Правядзенне спецыяльных работ па геафізічнаму маніторынгу небяспечных геадынамічных з’яў і працэсаў – сейсмічных падзей штучнага і натуральнага паходжання, варыяцый геамагнітнага поля Зямлі і іншых, спадарожных гэтым працэсам, параметраў. Арганізацыя геафізічнай службы на аснове бесперапынных кругласутачных назіранняў і адпаведнага парадку ажыццяўлення апрацоўкі, аналізу і перадачы даных

Структурныя падраздзяленні: аддзел апрацоўкі і аналізу даных маніторынгу; аддзел інжынерна-інфармацыйнага забеспячэння; аддзел “Інфармацыйна-аналітычны цэнтр”; геафізічная абсерваторыя “Плешчаніцы”; геафізічная абсерваторыя “Нарач”; сейсмічная станцыя “Салігорск”.

Прадукцыя і паслугі: Навуковае забеспячэнне, інжынерна-геафізічныя работы, ацэнка сейсмічнай небяспекі і сейсмічных уздзеянняў пры праектаванні, будаўніцтве і эксплуатацыі ўнікальных аб’ектаў прамысловага і грамадзянскага прызначэння (АЭС, гідратэхнічныя збудаванні, вышынныя будынкі, радовішчы карысных выкапняў і інш.); распрацоўка структуры і стварэнне сетак геафізічнага маніторынгу ў сістэмах комплекснай бяспекі аб’ектаў і тэрыторый, іх навуковае і тэхналагічнае суправаджэнне. Распрацоўка метадаў і сродкаў геафізічных назіранняў, інфармацыйна-камп’ютарных тэхналогій. Падрыхтоўка інфармацыі аб геафізічнай абстаноўцы для насельніцтва, прэсы, радыё і тэлебачання, іншых зацікаўленых арганізацый і ведамстваў.


Галоўная старонка / Арганізацыі / Аддзялення хіміі і навук аб Зямлі / Да пачатку старонкі