Bel   ·  Eng  ·  Rus  |    Толькі тэкст  |   НАНБ в Facebook НАНБ в Vkontakte НАНБ в Twitter НАНБ в Instagram НАНБ в Youtube НАНБ в LinkedIn НАНБ в SlideShare rss-лента новостей Написать письмо 
   
Афiцыйны iнтэрнет-партал Прэзiдэнта Рэспублiкi Беларусь
Афiцыйны iнтэрнет-сайт Савета Міністраў Рэспублікі Беларусь
Акадэмія кіравання пры Прэзідэнце Рэспублікі Беларусь
Інтэрнет-партал Моладзь Беларусі
Газета Навука
Часопіс Навука і інавацыі

Вучоныя Беларусі: Валерый Гур'евіч Ціхіня (Да 60-годдзя з дня нараджэння)

Галоўная старонка / Выданні акадэміі / Навуковыя часопісы

Вучоныя Беларусі: Валерый Гур'евіч Ціхіня (Да 60-годдзя з дня нараджэння)

Весці Нацыянальнай акадэміі навук Беларусі
СЕРЫЯ ГУМАНІТАРНЫХ НАВУК

Выдавецтва Беларуская навука, Мінск, Рэспубліка Беларусь

Асобны артыкул з нумара 4, 2000 (p. 136)

Часопіс

ВУЧОНЫЯ БЕЛАРУСI

Сторажаў М.В., Семянкоў В.І.
Валерый Гур'евіч Ціхіня (Да 60-годдзя з дня нараджэння)

1 кастрычніка 2000 года спаўняецца 60 год вядомаму беларускаму юрысту, члену-карэспандэнту НАН Беларусі, доктару юрыдычных навук, прафесару, Заслужанаму юрысту Рэспублікі Беларусь Ціхіне Валерыю Гур'евічу.

Валерый Гур'евіч нарадзіўся ў г.п. Капаткевічы Петрыкаўскага раёна Гомельскай вобласці ў сям'і служачага. Працоўны шлях пачаў у 1956 годзе справаводам народнага суда Васілевічскага раёна. Пасля заканчэння ў 1963 годзе Белдзяржуніверсітэта працаваў навуковым супрацоўнікам Мінскага НДІ судовых экспертыз, загадчыкам крыміналістычнай лабараторыі БДУ, з 1966 года -- у органах пракуратуры. Пасля абароны кандыдацкай дысертацыі са снежня 1974 г. В.Г. Ціхіня займаўся навуковай і педагагічнай дзейнасцю. У красавіку 1983 г. выбраны дэканам юрыдычнага факультэта БДУ, у снежні 1986 г. -- прызначаны прарэктарам па навуковай рабоце БДУ. На сесіі Вярхоўнага Савета БССР у кастрычніку 1989 года выбраны міністрам юстыцыі БССР.

З 1990--1991 гг. -- сакратар ЦК КПБ. У 1990--1996 гг. Валерый Гур'евіч -- дэпутат Вярхоўнага Савета Рэспублікі Беларусь, намеснік Старшыні Вышэйшай атэстацыйнай камісіі, Старшыня Канстытуцыйнага Суда Рэспублікі Беларусь.

3 1996 г. па 1999 г. займаўся педагагічнай дзейнасцю, з'яўляўся Прэзідэнтам Беларускага фонда прававога супрацоўніцтва. У верасні 1999 г. В.Г. Ціхіня выбраны загадчыкам кафедры грамадзянска-прававых дысцыплін і міжнароднага права Беларускага дзяржаўнага эканамічнага універсітэта і на гэтай пасадзе працуе па цяперашні час. Пад яго навуковым кіраўніцтвам працуюць 15 кандыдатаў і саіскальнікаў.

Валерый Гур'евіч паспяхова сумяшчае педагагічную дзейнасць з навуковай працай. Яго пяру належыць 215 навуковых прац па канстытуцыйнаму праву, грамадзянскаму і грамадзянска-працэсуальнаму праву, сямейнаму праву, працоўнаму праву і крыміналістыцы. Ён вядомы таксама ў рэспубліцы, краінах СНД і іншых дзяржавах як аўтар падручніка па міжнароднаму прыватнаму праву. Індывідуальна і ў сааўтарстве ім выдадзена 8 падручнікаў, 19 манаграфій і 25 навукова-практычных дапаможнікаў, шмат з якіх ужываюцца ў судовай практыцы, законатворчасці і вучэбным працэсе.

В.Г. Ціхіня прымаў непасрэдны ўдзел у распрацоўцы праекта Канстытуцыі (Асноўнага Закона) Рэспублікі Беларусь, якая прынята ў сакавіку 1994 года.

Шмат увагі вучоны надае падрыхтоўцы кваліфікаваных кадраў, дапамагае іх творчаму росту. Ён падрыхтаваў 9 кандыдатаў навук, кансультуе напісанне шэрага доктарскіх дысертацый, выступае апанентам пры абароне кандыдацкіх і доктарскіх дысертацый. Вялікі ўклад Валерыя Гур'евіча ў развіццё беларускай навукі адзначаны яго абраннем у 1994 годзе членам-карэспандэнтам НАН Беларусі.

Калегі па рабоце адзначаюць такія асабістыя якасці В.Г. Ціхіні, як прынцыповасць і добразычлівасць, тактычнасць і імкненне прыйсці на дапамогу людзям, памяркоўнасць, дабрату і чалавечнасць.

За вялікія заслугі ў галіне юрыспрудэнцыі В.Г. Ціхіня ўзнагароджаны медалём "За працоўную доблесць" (1970), ордэнам Працоўнага Чырвонага Сцяга (1986), яму прысвоена ганаровае званне Заслужанага юрыста БССР (1990).

Сваё 60-годдзе В.Г. Ціхіня сустракае ў росквіце духоўных і фізічных сіл. Наперадзе новыя планы і задумы. Навуковая грамадскасць, калегі, сябры, вучні шчыра віншуюць дарагога юбіляра і ад усёй душы жадаюць яму моцнага здароўя, далейшых поспехаў у ажыццяўленні творчых планаў, дасягнення новых вяршыць на ніве развіцця юрыдычнай навукі і падрыхтоўкі юрыдычных кадраў.

Часопіс Top

Галоўная старонка / Выданні акадэміі / Навуковыя часопісы / Да пачатку старонкі


Распрацавана і падтрымліваецца Мікалаем М. Касцюковічам. Апошняе абнаўленне: 26 лістапада 2006 г.
Створана пры ўдзеле Ігната І. Корсака
Капірайт © 2001-2006 Нацыянальная акадэмія навук Беларусі
Капірайт © 2000 Выдавецтва "Беларуская навука"