Дар'я Іванаўна Цiшкевiч (29.12.1989, г. Мінск), інжынер электроннай тэхнікі, кандыдат фізіка-матэматычных навук(2019).

Распрацаваны навукова-тэхнічныя асновы электрахімічнага сінтэзу аморфных і крышталічных плёнак і пакрыццяў з шырокім спектрам фізіка-тэхнічных і прыкладных уласцівасцей. Упершыню эксперыментальна даследаваны ўплыў арганічных дабавак на працэс сінтэзу плёнак вісмута, устаноўлены заканамернасці змянення іх мікраструктуры, фазавага складу, фізічных і функцыянальных уласцівасцей ад умоў электрахімічнага атачэння. Распрацавана тэхналогія фарміравання кампазіцыйных матэрыялаў на аснове вальфраму. Усталявана карэляцыя паміж фазавым, хімічным складам кампазіцыйных матэрыялаў і эфектыўнасцю экранавання іанізуючых выпраменьванняў. Атрыманыя вынікі дазволілі выкарыстоўваць распрацаваныя тэхналогіі для фарміравання высокаэфектыўных радыяцыйных экранаў для паўправадніковых прыбораў ад уздзеяння электронаў, пратонаў і высокаэнергетычных часціц радыяцыйнага пояса Зямлі. У прыватнасці, вынікі даследаванняў былі апрабіраваны і выкарыстаны ў шэрагу тэхналагічных працэсаў у вытворчасці спецыялізаваных карпусоў паўправадніковых прыбораў з павышанай радыяцыйнай устойлівасцю (ААТ «Інтэграл», АТ «Тестприбор» г. Масква). Праводзілася работа па сінтэзе і даследаванню марфалогіі, структуры, магнітных і электрычных уласцівасцей складаных аксідаў жалеза (гексагональные ферыты) і магнітных кампазіцыйных матэрыялаў на аснове нікеля, жалеза і кобальта, уведзеных у матрыцу з аноднага аксіду алюмінія.

Лаўрэат стыпендыі Прэзідэнта Рэспублікі Беларусь студэнтам (2014) і аспірантам (2018), лаўрэат прэміі для маладых навукоўцаў НАН Беларусі імя акадэміка Ж.I. Алфёрава (2019), стыпендыят Сусветнай федэрацыі вучоных (2019).

Аўтар больш за 160 навуковых прац, у тым ліку 45 у замежных рэцэнзуемых часопісах, 2 патэнтаў.

Асноўныя працы

1. Tishkevich, D.I. Electrochemical deposition regimes and critical influence of organic additives on the structure of Bi films / D.I. Tishkevich, S.S. Grabchikov, L.S. Tsybulskaya, V.S. Shendyukov, S.S. Perevoznikov, S.V. Trukhanov, E.L. Trukhanova, A.V. Trukhanov, D.A. Vinnik // Journal of Alloys and Compounds, 2018, Vol. 735, pp. 1943-1948.
2. Tishkevich, D.I. Effect of the synthesis conditions and microstructure for highly effective electron shields production based on Bi coatings / D.I. Tishkevich, S.S. Grabchikov, S.B. Lastovskii, S.V. Trukhanov, T.I. Zubar, D.S. Vasin, A.V. Trukhanov, A.L. Kozlovskiy, M.V. Zdorovets // ACS Applied Energy Materials, 2018, Vol. 1, №4, pp. 1695-1702.
3. Tishkevich, D.I. Function composites materials for shielding applications: Correlation between phase separation and attenuation properties / D.I. Tishkevich, S.S. Grabchikov, S.B. Lastovskii, S.V. Trukhanov, D.S. Vasin, T.I. Zubar, A.L. Kozlovskiy, M.V. Zdorovets, V.A. Sivakov, T.R. Muradyan, A.V. Trukhanov / Journal of Alloys and Compounds, 2019, Vol. 771, pp. 238-245.
4. Tishkevich, D.I. Formation and corrosion properties of Ni-based composite material in the anodic alumina porous matrix / D.I. Tishkevich, A.I. Vorobjova, D.L. Shimanovich, D.A. Vinnik, T.I. Zubar, A.L. Kozlovskiy, M.V. Zdorovets, D.V. Yakimchuk, S.V. Trukhanov, A.V. Trukhanov // Journal of Alloys and Compounds, 2019, 804, p. 139-146.
5. Tishkevich, D.I. Early-Stage Growth Mechanism and Synthesis Conditions-Dependent Morphology of Nanocrystalline Bi Films Electrodeposited from Perchlorate Electrolyte / Daria Tishkevich, Sergey Grabchikov, Tatiana Zubar, Denis Vasin, Sergey Trukhanov, Alla Vorobjova, Dmitry Yakimchuk, Artem Kozlovskiy, Maxim Zdorovets , Sholpan Giniyatova, Dmitriy Shimanovich, Dmitry Lyakhov, Dominik Michels, Mengge Dong, Svetlana Gudkova and Alex Trukhanov // Nanomaterials 2020, 10, 1245.