Члены-карэспандэнты :: АРЦЕМ'ЕЎ Валянцін Міхайлавіч

Валянцін Міхайлавіч Арцем'еў (н. 15.05.1934, г. Масква, Расія), вучоны ў галіне тэхнічных навук. Член-карэспандэнт Нацыянальнай акадэміі навук Беларусі (1989), доктар тэхнічных навук (1974), прафесар (1976). Заслужаны дзеяч навукі і тэхнікі БССР(1977).

— Скончыў Мінскае вышэйшае інжынернае радыётэхнічнае вучылішча (1956).
— З 1956 г. выкладчык, старшы навуковы супрацоўнік, намеснік начальніка кафедры, з 1973 г. начальнік кафедры гэтага вучылішча.
— У 1987 – 1993 гг. в.а. дырэктара, дырэктар Інстытута прыкладной фізікі АН Беларусі, з 1993 г. загадчык лабараторыі, з 2003 г. галоўны навуковы супрацоўнік гэтага інстытута.

Навуковыя працы ў галіне статыстычнай дынамікі сістэм аўтаматычнага кіравання. Распрацаваў тэорыю дынамічных сістэм з выпадковымі зменамі структуры і ўжыў яе да абгрунтавання прынцыпаў пабудовы, аналізу і праектавання сістэм кіравання лятальнымі апаратамі і адаптыўнымі робатамі ва ўмовах змены характарыстык навакольнага асяроддзя.

Аўтар каля 100 навуковых прац, у тым ліку 8 манаграфій, 1 падручніка, 13 вынаходак.

Узнагароджаны ордэнам "За службу Радзіме ва Узброеных Сілах СССР" III ступені (1978), медалямі.

Асноўныя працы:

Теория динамических систем со случайными изменениями структуры. Мн.: Вышэйшая школа, 1979.
Оптимизация динамических систем со случайной структурой. М.: Наука, 1980 (совм. с И.Е.Казаковым).
Локационные системы роботов. Мн.: Вышэйшая школа, 1988.
Анализ систем случайной структуры. М.: Наука, 1993 (совм. с И.Е.Казаковым, В.А.Бухалевым).
Реконструкция динамических изображений в томографии процессов. Мн.: Изд. центр БГУ, 2004 (совм. с А.О. Наумовым, Г.-Р. Йенишем).
Обработка изображений в пассивных обзорно-поисковых оптико-электронных системах / Ин-т приклад. физики НАН Беларуси. Минск: Беларус. навука, 2014. (совм. с А.О. Наумовым, Л.Л. Коханом).