Члены-карэспандэнты :: БУЛГАК Аляксандр Рыгоравіч

Аляксандр Рыгоравіч Булгак (н. 02.03.1958, г. Слуцк, Мінская вобласць) – урач-кардыёлаг. Член-карэспандэнт (2017), доктар медыцынскіх навук (2003), прафесар (2005).

— Скончыў Мінскі дзяржаўны медыцынскі інстытут (1981).
— У 1985 – 1986 – лекар-оталарынголаг Цэнтра паталогіі слыху, голасу і мовы.
— З 1986 – у Беларускім дзяржаўным інстытуце ўдасканалення ўрачоў, з 1997 – дацэнт.
— У 2000 – 2008 – загадчык кафедрай Беларускай акадэміі паслядыпломнай адукацыі.
— У 2008 – 2017 – намеснік дырэктара па тэрапеўтычнай дапамозе, лячэбнай працы, з 2017 – галоўны навуковы супрацоўнік Рэспубліканскага навукова-практычнага цэнтра «Кардыялогія».

Навуковыя працы па праблемах дыягностыкі і лячэння ў кардыялогіі. Даследаваў уплыў ультрагуку на сэрца, метэафактараў на ўзнікненне параксізмаў фібрыляцыі перадсэрдзяў ў пацыентаў з ішэмічнай хваробай сэрца (ІХС). Правёў даследаванні, звязаныя з дыягностыкай ІХС і асаблівасцямі вядзення пацыентаў з ІХС і фібрыляцыяй перадсэрдзяў. Вывучыў асаблівасці кардыёгемадынамікі, варыябельнасці рытму сэрца пры атручваннях псіхатропнымі прэпаратамі, пры вострым інфаркце мозгу, у пацыентаў з міеломнай хваробай. Правёў даследаванні па вывучэнні механізмаў развіцця лакальнага і дыстантнага ішэмічнага прэ- і паслякандыцыянавання міякарда, праблем, звязаных з вывучэннем сіндрому начнога апноэ, яго уплывам на парушэнні рытму сэрца, артэрыяльны ціск, гарманальны статус.

Аўтар больш за 300 навуковых прац.

Асноўныя працы:

Практическое руководство по общей врачебной/семейной медицинской практике. Минск, 2003 (в соавт.).
Роль митохондриальных АТФ-зависимых калиевых каналов в механизмах развития феномена позднего ишемического посткондиционирования миокарда // Кардиология в Беларуси. 2012. № 3 (в соавт.).
Влияние синдрома обструктивного апноэ сна и первичного храпа на нарушения ритма сердца и показатели вариабельности у пациентов с ишемической болезнью сердца // Евраз. кардиол. журн. 2016. № 1 (в соавт.).