Члены-карэспандэнты :: КАСТРАМІЦКІ Сяргей Міхайлавіч

Сяргей Міхайлавіч Кастраміцкі (н. 26.11.1954, г. Харкаў, Украіна) – вучоны ў галіне радыёфізікі. Член-карэспандэнт (2014), доктар тэхнічных навук (1993), прафесар (1994).

— Скончыў Мінскае вышэйшае інжынернае зенітнае ракетнае вучылішча СПА (1977).
— У 1972 – 1998 служыў ва Узброеных Сілах СССР і Рэспублікі Беларусь.
— З 1998 – намеснік дырэктара дзяржаўнага прадпрыемства «СКБ Камертон» (з 2000 г. – навукова-вытворчае рэспубліканскае унітарнае прадпрыемства «СКБ Камертон»).
— З 2006 – дырэктар навукова-вытворчага рэспубліканскага ўнітарнага прадпрыемства «КБ Радар» (з 2011 – ААТ «КБ Радар» - кіруючая кампанія холдынгу «Сістэмы радыёлакацыі»).
— З 2016 – дырэктар Рэспубліканскага навукова-вытворчага прадпрыемства «Цэнтр радыётэхнікі НАН Беларусі».

Распрацаваў тэорыю і прынцыпы пабудовы шматпрамянёвых адаптыўных антэнных рашотак, якія выкарыстоўваюцца ў сістэмах перадачы інфармацыі, радыёлакацыі і канцэнтрацыі сверхвысокочастотных (ЗВЧ) электрамагнітных палёў. Вывучыў фізічныя ўласцівасці вядомай з'явы факусоўкі ЗВЧ-энергіі з перавыпраменьваннем на аснове звароту хвалевага фронту, тэарэтычна і эксперыментальна ацаніў перспектывы і спосабы яго практычнага выкарыстання ў задачах накіраванай перадачы ЗВЧ-энергіі, радыёлакацыі і сістэмах перадачы інфармацыі. Вызначыў колькасныя характарыстыкі эфектыўнасці аўтакагерэнтнай прасторавай апрацоўкі сігналаў на вялікіх і звышвялікіх апертурах.

Аўтар больш за 500 навуковых прац, у тым ліку 3 манаграфій, 75 аўтарскіх пасведчанняў.

Узнагароджаны ордэнам Пашаны (2014).

Асноўныя працы:

Радиационные эффекты в полупроводниковых приборах. Минск, 1978 (в соавт.).
Проникающие излучения в технологии полупроводниковых приборов и интегральных микросхем // Вестн. АН СССР. 1982. № 11.
Воздействие радиации на интегральные микросхемы. Минск, 1986 (в соавт.).