Члены-карэспандэнты :: ШАРШУНОЎ Вячаслаў Аляксеевіч

Вячаслаў Аляксеевіч Шаршуноў (н. 04.05.1949, в. Круглаўка, Руднянскага р-на, Смаленскай вобл., Расія), вучоны ў галіне механізацыі сельскай гаспадаркі. Член-карэспандэнт Нацыянальнай акадэміі навук Беларусі (2003), член-карэспандэнт Акадэміі аграрных навук Рэспублікі Беларусь (1992-2002), доктар тэхнічных навук( 1990), прафесар (1991). Заслужаны дзеяч навукі Рэспублікі Беларусь (1998).

— Скончыў Беларускую сельскагаспадарчую акадэмію (1971).
— З 1971 г. старшы інжынер-кантралёр Руднянскага раённага аддзялення Смаленскага абласнога вытворчага аб'яднання "Рассельгастэхніка".
— З 1973 г. майстар участка механічнага цэха №1 завода Гомсельмаш.
— З 1973 г. асістэнт, старшы выкладчык, загадчык кафедры, з 1992 г. рэктар Беларускай сельскагаспадарчай акадэміі.
— З 1995 г. начальнік Галоўнага ўпраўлення кадраў і аграрнай адукацыі Міністэрства сельскай гаспадаркі і харчавання Рэспублікі Беларусь.
— У 1997-1998 гг. віцэ-прэзідэнт Акадэміі аграрных навук Рэспублікі Беларусь.
— У 1997-2000 гг. намеснік старшыні Пастаяннай камісіі Палаты прадстаўнікоў Нацыянальнага сходу Рэспублікі Беларусь па адукацыі, культуры, навуцы і НТП.
— З 2001 г. намеснік Старшыні Дзяржаўнага атэстацыйнага камітэта Рэспублікі Беларусь, з 2002 г. намеснік старшыні, начальнік упраўлення атэстацыі Вышэйшай атэстацыйнай камісіі Рэспублікі Беларусь.
— З 2003 г. рэктар Магілёўскага дзяржаўнага ўніверсітэта харчавання.
— Дэпутат Вярхоўнага Савета Рэспублікі Беларусь (1995 – 1996), дэпутат Палаты прадстаўнікоў Нацыянальнага сходу Рэспублікі Беларусь на прафесійнай аснове (1997 – 2000).
— З 2007 г. Старшыня Прэзідыума Магілёўскага абласнога ГА "Белая Русь".

Асноўныя даследаванні ў галіне сельскагаспадарчага машынабудавання. Распрацаваў навуковыя асновы ўкаранення ў сельскагаспадарчую вытворчасць шэрагу новых энерга- і рэсурсазберагальных безадходных тэхналогій і камплектаў машын для ўборкі, перапрацоўкі і выкарыстання ўраджаю сельскагаспадарчых культур на насенне і корм жывёлам, а таксама ў кормавытворчасці і жывёлагадоўлі. Аўтар работ па гісторыі беларускай навукі і адукацыі, узнікнення і ўдасканалення сістэмы атэстацыі навуковых і навукова-педагагічных кадраў на вучоныя ступені магістра, кандыдата і доктара навук, а таксама на вучоныя званні дацэнта і прафесара ў дарэвалюцыйнай Расіі, СССР і Рэспубліцы Беларусь.

Аўтар больш за 400 навуковых і навукова-метадычных работ, у тым ліку 32 манаграфій, вучэбных дапаможнікаў, кніг і брашур і 69 патэнтаў і аўтарскіх пасведчанняў на вынаходствы.

Лаўрэат спецыяльнай прэміі Магілёўскага гарадскога выканаўчага камітэта "Дасягненне" ў намінацыі "Адукацыя" за 2006 г.

Узнагароджаны Ордэнам Пашаны (2008).

Асноўныя працы:

Механизация обработки и внесение органических удобрений. Мн.: Ураджай, 1993 (совм. с С.И.Назаровым).
Механизация уборки и послеуборочной обработки семян кормовых культур и трав. Мн.: Ураджай, 1997 (с им же).
Механизация приготовления комбикормов. Мн.: Экоперспектива, 2003 (в соавт.).
Корма и биологически активные вещества. Мн.: Белорусская наука, 2005 (в соавт.).
Образование и наука дореволюционной Беларуси. Мн.:Технопринт, 2005.
Машины и оборудование для производства комбикормов. Мн.: Экоперспектива, 2005 (в соавт.).
Как подготовить и защитить диссертацию. Мн.: Мисанта, 2006.
Машины и аппараты пищевых производств. В 3 кн. Кн. 1-2. Мн.: БГАТУ, 2007-2008.