Члены-карэспандэнты :: СНЯЖЫЦКІ Віктар Аляксандравіч

Віктар Аляксандравіч Сняжыцкі (н. 22.10.1959, в. Гарнастаевічы, Свіслацкага р–на, Гродзенскай вобл.) – вучоны ў галіне кардыялогіі. Член-карэспандэнт (2014), доктар медыцынскіх навук (2006), прафесар (2008). Выдатнік аховы здароўя Рэспублікі Беларусь (2007).

— Скончыў Гродзенскі дзяржаўны медыцынскі інстытут (1984).
— З 1984 – у Гродзенскім дзяржаўным медыцынскім інстытуце.
— З 1995 – загадчык аддзялення, з 2001 – галоўны лекар Гарадзенскага абласнога кардыялагічнага дыспансера.
— З 2006 – прарэктар па навуковай рабоце, з 2009 – першы прарэктар, з 2010 – рэктар Гродзенскага дзяржаўнага медыцынскага ўніверсітэта.
— З 2016 – член Савета Рэспублікі Нацыянальнага сходу Рэспублікі Беларусь.
— З 2010 – галоўны рэдактар "Часопіса Гродзенскага дзяржаўнага медыцынскага ўніверсітэта".

Асноўныя навуковыя працы прысвечаны вывучэнню электрафізіялагічных аспектаў фарміравання брадіарытмій, нейравегетаціўнай рэгуляцыі сардэчнай дзейнасці пры арытміях, дысфункцыі эндатэлю, пругка-эластычных уласцівасцяў артэрый пры фібрыляцыі перадсэрдзяў, іх ўзаемасувязі; кіслародтранспартнай функцыі крыві пры фібрыляцыі перадсэрдзяў, распрацоўцы метадаў дыягностыкі і прагназавання ўскладненняў у пацыентаў з захворваннямі сэрца, вывучэнню цыркадных рытмаў паказчыкаў сардэчнай дзейнасці, распрацоўцы і ўкараненню тэхналогіі прымянення фізічных фактараў (лазернае апрамяненне крыві, аўтагемамагнітатэрапія) у лячэнні захворванняў сэрца. Распрацаваў 17 новых метадаў аказання медыцынскай дапамогі (дыягностыкі і лячэння), удзельнічаў у распрацоўцы 4 нацыянальных рэкамендацый па лячэнні хвароб сістэмы кровазвароту.

Аўтар больш за 560 навуковых прац, у тым ліку 16 манаграфій і кніг, 12 вучэбных дапаможнікаў, 35 патэнтаў.

Узнагароджаны медалём Францыска Скарыны (2014), іншымі медалямі.

Асноўныя працы:

Аритмии у пациентов с хронической сердечной недостаточностью: клинические и биохимические особенности. Гродно, 2014 (в соавт.).
Клинический менеджмент : в 2 т. Гродно, 2014 (в соавт.).
Хроническая сердечная недостаточность: возможности лазеротерапии. Saarbrücken, 2014 (в соавт.).
Инфаркт миокарда: патофизиологические механизмы развития, диагностическая стратегия и тактика лечения. Гродно, 2015 (в соавт.).
Фибрилляция предсердий: структурно-функциональное ремоделирование миокарда, молекулярно-генетические особенности и прогноз клинического течения. Гродно, 2016 (в соавт.).