Нацыянальная акадэмія навук Беларусі

ТАРАНУХА Рыгор Іванавіч

Рыгор Іванавіч Тарануха (н. 25.09.1933, п. Вазнясенск, Клімаўскага раёна, Бранскай вобл., Расія) - селекцыянер і насенненавод. Член-карэспандэнт Нацыянальнай акадэміі навук Беларусі (2003), член-карэспандэнт Акадэміі аграрных навук Рэспублікі Беларусь (1996-2002), доктар сельскагаспадарчых навук( 1978), прафесар (1980). Заслужаны дзеяч навукі БССР (1990). Вынаходнік СССР (1990). Выдатнік адукацыі Рэспублікі Беларусь.

Навуковыя працы ў галіне селекцыі, генетыкі, насенняводства і тэхналогіі вырошчвання сельскагаспадарчых культур. Стварыў каштоўны генафонд новых формаў, узораў і гатункаў культурных раслін, распрацаваў шэраг тэарэтычных палажэнняў па ўдасканаленні селекцыйнага і насенняводчага працэсаў палявых культур. Пад яго кіраўніцтвам праведзена шырокая навукова-даследчая, селекцыйна-генетычная праца па лубіну жоўтаму і вузкалістоваму, азімаму жыту і яравым ячменю, пшаніцы азімай і яравой, канюшыны лугавой і галеге усходняй, лёну-даўгунцу і іншым культурам. Створана 4 гатункі жоўтага і 4 гатункі вузкалістовага лубіна, па адным гатунку яравога ячменю і азімай пшаніцы.

Аўтар больш як 250 прац, у тым ліку 12 падручнікаў і вучэбных дапаможнікаў, 3 манаграфій, 9 аўтарскіх пасведчанняў на вынаходствы і гатункі.

Узнагароджаны ордэнамі Дружбы народаў (1986), "Знак Пашаны" (1973).

Асноўныя працы:

  1. Селекция и семеноводство люпина. Минск: Ураджай, 1980.
  2. Селекция и семеноводство сельскохозяйственных культур. Минск: Ураджай, 2001.
  3. Люпин: биология, селекция и технология возделывания: учеб. пособие. Горки: БГСХА, 2001.
  4. Кормовой ячмень: генетика и селекция. Минск: Беларус. навука, 2003 (в соавт.).
  5. Семеноводство: Учебник. Минск: Бестпринт, 2004. (в соавт.).
  6. Семеноводство полевых культур. Брест: Академия, 2004. (совм. с А.С. Шиком).
  7. Селекция и семеноводство сельскохозяйственных культур: учеб. для студентов вузов. Минск: ИВЦ Минфина, 2009.