Члены-карэспандэнты :: ЦІХІНЯ Валерый Гур'евіч

Валерый Гур'евіч Ціхіня (н. 01.10.1940, г.п. Капаткевічы, Петрыкаўскага р-на, Гомельскай вобл.), вучоны-юрыст. Член-карэспандэнт Нацыянальнай акадэміі навук Беларусі (1994), доктар юрыдычных навук (1985), прафесар (1987). Заслужаны юрыст БССР (1990).

— Скончыў Беларускі дзяржаўны ўніверсітэт (1963).
— У 1963 – 1965 гг. навуковы супрацоўнік Мінскага НДІ судовай экспертызы, у 1965 – 1966 гг. загадчык лабараторыі Беларускага дзяржаўнага ўніверсітэта.
— У 1966 – 1974 гг. у органах пракуратуры.
— У 1974 – 1989 гг. старшы выкладчык, дацэнт, дэкан юрыдычнага факультэта, 1-ы прарэктар Беларускага дзяржаўнага ўніверсітэта.
— У 1989 – 1990 гг. міністр юстыцыі БССР. У 1990 – 1991 гг. сакратар ЦК КПБ.
— У 1991 – 1993 гг. загадчык кафедры Акадэміі кіравання пры Савеце Міністраў Рэспублікі Беларусь, у 1993 – 1994 гг. намеснік старшыні ВАК пры Савеце Міністраў Рэспублікі Беларусь.
— З 1994 г. намеснік старшыні, у 1995 г.старшыня Канстытуцыйнага суда Рэспублікі Беларусь.
— З 1999 г. загадчык кафедры Беларускага дзяржаўнага эканамічнага ўніверсітэта, з 2002 г. загадчык кафедры Мінскага інстытута кіравання.
— У 1991 – 1995 гг.дэпутат Вярхоўнага Савета Рэспублікі Беларусь.

Навуковыя працы прысвечаны ўдасканаленню нацыянальнага заканадаўства. Прымаў удзел у падрыхтоўцы законапраектаў (праект Грамадзянскага кодэкса, праект Кодэкса законаў аб працы і інш.). Асноўны навуковы напрамак – праблемы фарміравання дэмакратычнай прававой дзяржавы ў Рэспубліцы Беларусь, Міжнароднае прыватнае права, грамадзянскі працэс.

Аўтар каля 400 навуковых прац, у т.л. 29 манаграфій і 15 падручнікаў.

Узнагароджаны ордэнам Працоўнага Чырвонага Сцяга (1986), 3 медалямі.

Асноўныя працы:

Применение криминалистической тактики в гражданском процессе. Минск: Изд-во БГУ, 1976.
Теоретические проблемы применения данных криминалистики в гражданском судопроизводстве. Минск: Выш. шк., 1983.
Научно-практический комментарий к Гражданскому процессуальному кодексу Белорусской ССР. Минск: Беларусь, 1989.
Гражданское процессуальное право Республики Беларусь. Особенная часть. Минск: Молодеж. науч. о-во, 2002.
Международное частное право. Минск: Кн. Дом, 2007.
Правовые основы научной деятельности в Республике Беларусь. Минск: Право и экономика, 2008 (в соавт.).
Избранные научные труды по праву. Минск: Право и экономика, 2009.
Научно-практический комментарий к Кодексу Республики Беларусь о браке и семье. Минск: ГИУСТ БГУ, 2010 (в соавт.).