Леў Мітрафанавіч Тамільчык (н. 01.04.1931, Мінск), фізік-тэарэтык. Член-карэспандэнт Нацыянальнай акадэміі навук Беларусі (1989), доктар фізіка-матэматычных навук (1980), прафесар (1985).

Навуковыя даследаванні ў галіне тэарэтычнай фізікі. Пабудаваў фенаменалагічную тэорыю аптычных уласцівасцяў, паглынальных магнітных крышталяў. Выканаў прыярытэтныя даследаванні па тэорыі магнітнага зарада. Распрацаваў сіметрыйныя і дынамічныя аспекты тэорыі манаполя, якія ўключаюць стварэнне арыгінальнага метаду ўліку лінейных сінгулярнасцей, карэктнае вызначэнне аперацый дыскрэтных сіметрый, рашэнне шырокага круга канкрэтных дынамічных задач для квантавых і класічных сістэм, якія змяшчаюць магнітныя крыніцы. Развіў і абгрунтаваў праграму эксперыментальнага пошуку магнітнага зарада як у вольным, так і ў звязаным станах. Прапанаваў падыход да апісання астрафізічных працэсаў на аснове выкарыстання канформнай геаметрыі прасторы-часу. Даследаваў праблемы метадалогіі навукі.

Аўтар больш за 170 навуковых прац, у т.л. 2 манаграфій.

Узнагароджаны медалём.

Асноўныя працы:

1. Электродинамика с магнитным зарядом. Мн.: Наука и техника, 1975 (совм. с В.И. Стражевым).
2. Space Reflection Symmetry and the Pseudo Scalar Magnetic Charge // Phys. Lett. 1976. Vol.61B, No.1.
3. Описание составных систем в терминах неевклидова относительного пространства: Проблемы физики высоких энергий и теории поля. М., 1988 (совм. с В.В. Кудряшовым, В.И. Мурзовым).
4. P-violating magnetic monopole influence on the behaviour of the atom-like system in the external fields // Int. J. Mod. Phys. A. 1992. Vol.7, No.16.
5. Вальтер Ритц как физик-теоретик и его работы по теории атомных спектров (совм. с М.А. Ельяшевичем, Н.Г. Кембровской) // Успехи физических наук. 1995. Т.165, №4.
6. Conformally Flat Static Backgroud Metric in Relativistic Quarkonium Models. Proc. Int. School-sem. "Actual Problems of Particle Physics". Vol. II. Dubna, 2002.