Памяці вучонага :: АФАНАСЬЕЎ Якаў Мікітавіч

Якаў Мікітавіч Афанасьеў (21.10.1877, г. Балашоў, Саратаўскай вобл., Расія – 20.12.1937), вучоны-глебазнаўца. Акадэмік Нацыянальнай акадэміі навук Беларусі (1928), доктар геолага-мінералагічных навук (1934), прафесар (1921).

— Скончыў Пецярбургскі ўніверсітэт (1901).
— У 1913 г. член Глебавага камітэта Маскоўскага таварыства сельскай гаспадаркі.
— З 1921 г. прафесар, загадчык кафедры ў Горацкім сельскагаспадарчым інстытуце (з 1925 г. БСГА).
— У 1931 – 1937 гг. дырэктар Інстытута аграглебазнаўства АН БССР.
— Арыштаваны ў 1937. Прысуджаны да вышэйшай меры пакарання. Рэабілітаваны у 1957.

Праводзіў даследаванні глеб, склаў першую глебавую карту БССР. Аўтар прац па пытаннях павышэння ўраджайнасці ў розных глебавых раёнах Беларусі, барацьбы з залішняй вільготнасцю ў глебах.

Апублікаваў больш за 30 навуковых прац, у тым ліку 4 манаграфіі.

Асноўныя працы:

Зональные системы почв. Горки, 1922.
Асноўныя рысы глебавага твару зямлі. Мн.: Выд-ва Беларускай Акадэміі навук, 1930.
Глебавыя раёны БССР. Мінск, 1931.
Почвоведение и агрохимия (Избр. труды). Мн.: Навука і тэхніка, 1977.
Генезис, проблемы классификации и плодородия почв (Избр. тр.). Мн.: Изд. Ю.А.Вальковский, 1997.