Памяці вучонага :: БАРБАШЫН Яўген Аляксеевіч

Яўген Аляксеевіч Барбашын (17.01.1918, с. Уінск, Пермскай вобл., Расія - 05.07.1969), матэматык. Акадэмік Нацыянальнай акадэміі навук Беларусі (1966), доктар фізіка-матэматычных навук (1951), прафесар (1952).

— Скончыў Уральскі ўніверсітэт (1940).
— З 1943 г. асістэнт, дацэнт, загадчык кафедры Уральскага політэхнічнага інстытута.
— У 1961 – 1966 гг. загадчык аддзела Свярдлоўскага аддзялення матэматычнага інстытута АН СССР.
— З 1966 г. загадчык лабараторыі прыкладной матэматыкі і механікі Інстытута матэматыкі АН БССР, адначасова загадчык кафедры прыкладной матэматыкі Белдзяржуніверсітэта.

Навуковыя даследаванні ў галіне дыферэнцыяльных ураўненняў, аўтаматычнага кіравання, механікі і прыкладной матэматыкі. Выканаў фундаментальныя даследаванні па тэорыі дынамічных сістэм, тэорыі ўстойлівасці, тэорыі нелінейных ваганняў і аўтаматычнага рэгулявання. Развіў метады стабілізацыі сістэм аўтаматычнага рэгулявання. Паказаў, што пытанні якаснага вывучэння дынамічных сістэм у цэлым звязаныя з задачамі ўстойлівасці руху. Выканаў серыю работ па праграмным рэгуляванні, што дазволіла ўсталяваць сувязь задачы аб ажыццяўленні праграмных рухаў з агульнай тэорыяй устойлівасці руху, тэорыяй аптымальных працэсаў і тэорыяй набліжаных функцый.

Аўтар больш за 80 навуковых прац, у т.л. 3 манаграфій.

Дзяржаўная прэмія СССР 1972 г. за цыкл работ па праблеме ўстойлівасці сістэм аўтаматычнага рэгулявання.

Узнагароджаны ордэнам Працоўнага Чырвонага Сцяга (1967), медалямі.

Асноўныя працы:

Введение в теорию устойчивости. М.: Наука, 1967.
Динамические системы с цилиндрическим фазовым пространством. М.: Наука, 1969 (совм. с В.А. Табуевой).
Функции Ляпунова. М.: Наука, 1970.
Метод сечений в теории динамических систем. Мн.: Наука и техника, 1979.