Памяці вучонага :: БАДЗЯКА Міхаіл Мікалаевіч

Бадзяка Міхаіл Мікалаевіч (17.08.1914, в. Печары, Касцюковіцкага р-на, Магілёўскай вобл. - 19.02.1998), вучоны ў галіне металазнаўства. Член-карэспандэнт Нацыянальнай акадэміі навук Беларусі (1974), доктар тэхнічных навук, прафесар (1968). Заслужаны дзеяч навукі і тэхнікі БССР (1981).

— Скончыў Маскоўскі інстытут сталі (1941).
— З 1941 г. працаваў у абароннай прамысловасці майстрам, тэхнолагам, старэйшым тэхнолагам тэрмічнага цэха.
— З 1946 г. у праектных арганізацыях Мінска.
— У 1948 – 1950 гг. памочнік першага намесніка Старшыні Савета Міністраў БССР.
— З 1950 г. асістэнт, старшы выкладчык, дацэнт Беларускага політэхнічнага інстытута.
— З 1953 г. намеснік дырэктара Фізіка-тэхнічнага інстытута АН БССР, у 1958 – 1987 гг. загадчык лабараторыі гэтага інстытута.

Навуковыя працы па даследаванні тэрмакінэтыкі структурных і фазавых ператварэнняў у металах і сплавах ва ўмовах высокіх і звышвысокіх хуткасцяў нагрэву, працэсам вяртання металаў і рэкрышталізацыі металаў, у якіх эксперыментальна усталяваны тэмпературны гістарэзіс рэкрышталізацыйных працэсаў пад уздзеяннем вялікіх хуткасцяў нагрэву. Распрацаваў тэарэтычныя асновы тэрмакінэтыкі рэкрышталізацыі.

Аўтар каля 200 навуковых прац, у т.л. 5 манаграфій, больш за 30 вынаходстваў.

Дзяржаўная прэмія БССР 1988 г. за распрацоўку тэорыі, тэхналогіі і абсталявання для атрымання гетэрагенных матэрыялаў метадамі электратэрміі і арганізацыі серыйнай вытворчасці гэтых матэрыялаў.

Узнагароджаны медалямі.

Асноўныя працы:

Термокинетика рекристаллизации. Мн., 1968 (совм. с С.А.Астапчиком, Г.Б.Ярошевичем).
Сверхтвердые материалы и техника. М., 1971 (совм. с С.А.Астапчиком).
Мартенситно-стареющие стали. Мн., 1976 (совм. с С.А.Астапчиком, Г.Б.Ярошевичем).
Электротермообработка сплавов с особыми свойствами. Мн., 1977 (совм. с С.А.Астапчиком).