Памяці вучонага :: БАНДАРЧЫК Васіль Кірылавіч

Васіль Кірылавіч Бандарчык (01.08.1920, в. Кірава, Слуцкага р-на, Мінскай вобл. – 16.02.2009), этнограф. Член-карэспандэнт Нацыянальнай акадэміі навук Беларусі (1972), доктар гістарычных навук (1965), прафесар (1978). Заслужаны работнік культуры БССР (1980). Удзельнік Вялікай Айчыннай вайны.

— Скончыў Белдзяржуніверсітэт (1952).
— Да 1957 г. працаваў настаўнікам, завучам, дырэктарам школы.
— З 1957 г. аспірант, навуковы супрацоўнік, у 1967 – 1969 гг. намеснік дырэктара, у 1969 – 1976 гг. дырэктар Інстытута мастацтвазнаўства, этнаграфіі і фальклору АН БССР.
— У 1976 – 1991 гг. загадчык аддзела, з 1991 г. саветнік пры дырэкцыі.
— У 1997 – 2005 гг. галоўны навуковы супрацоўнік Інстытута мастацтвазнаўства, этнаграфіі і фальклору ім. К. Крапівы Нацыянальнай акадэміі навук Беларусі.

Асноўныя навуковыя працы па пытаннях гісторыі і сучаснай беларускай этнаграфіі, фальклору, матэрыяльнай і духоўнай культуры.

Аўтар больш за 270 навуковых прац, у т.л. 5 індывідуальных манаграфій і 27 манаграфій у суаўтарстве.

Прэмія Нацыянальнай акадэміі навук Беларусі 1999 г.за манаграфію "Беларусы. Гістарыя этналагічнага вывучэння".

Узнагароджаны ордэнам Айчыннай вайны II ступені (1985), медалём Францыска Скарыны (2001), медалямі.

Асноўныя працы:

Гiсторыя беларускай этнаграфii XIX cт. Мн.: Навука і тэхніка, 1964.
А.К. Сержпутовский. Мн.: Наука и техника, 1966 (совм. с А.С. Федосиком).
Гiсторыя беларускай этнаграфii. Пачатак XX ст. Мн.: Навука і тэхніка, 1970.
Гiсторыя беларускай савецкай этнаграфii. Мн.: Навука і тэхніка, 1972.
Гiсторыя беларускай савецкай этнаграфii. Мн.: Навука і тэхніка, 1972.
Этнаграфія беларусаў: гістарыяграфія, этнагенез, этнічная гісторыя. Мн.: Навука і тэхніка, 1985 (совм. с С.И. Чаквиным, Г.И. Касперович).
Сям'я і сямейны быт беларусаў. Мн.: Навука і тэхніка, 1990.
Беларусы: У 8 т. Т.1. Прамысловыя і рамесныя заняткі. Мн.: Навука і тэхніка, 1995 (в соавт.)