Памяці вучонага :: БУСЛАЎ Казімір Паўлавіч

Казімір Паўлавіч Буслаў (25.10.1914, в. Кашалёва Буда-Кашалёўскага р-на Гомельскай вобл. – 20.01.1983), філосаф. Акадэмік Нацыянальнай акадэміі навук Беларусі (1972; чл.-кар. з 1969), доктар філасофскіх навук (1965), прафесар (1966). Заслужаны дзеяч навукі БССР (1978).

— Скончыў Смаленскі педагагічны інстытут (1938), Акадэмію грамадскіх навук пры ЦК КПСС (1951).
— У 1951 – 1956 гг. загадчык аддзела ЦК КПБ, у 1956 – 1972 гг. дырэктар Інстытута філасофіі і права АН БССР.
— З 1970 г. в.а. акадэміка-сакратара, у 1972 – 1976 гг. акадэмік-сакратар Аддзялення грамадскіх навук АН БССР.
— З 1976 г. загадчык сектара Інстытута філасофіі і права АН БССР.
— Адначасова з 1951 г. дацэнт, затым прафесар Белдзяржуніверсітэта, Мінскага радыётэхнічнага інстытута.
— У 1955 – 1959 гг. дэпутат Вярхоўнага Савета БССР.
— З 1971 г.старшыня Беларускага аддзялення філасофскага таварыства СССР.

Навуковыя працы прысвечаны гістарычнаму матэрыялізму, праблемах сацыяльнага прагрэсу, гуманізму і культуры. Пад яго кіраўніцтвам падрыхтаваны і апублікаваны кнігі, якія аналізуюць сацыяльныя змены ў асяроддзі рабочага класа, сялянства і інтэлігенцыі Беларусі ў працэсе сацыяльна-эканамічных пераўтварэнняў. Распрацоўваў праблемы сацыяльнага прагрэсу, свабоды і адказнасці асобы ва ўмовах сацыялістычнага грамадства.

Апублікаваў больш за 60 навуковых прац, у тым ліку 4 манаграфіі.

Дзяржаўная прэмія БССР 1984 г. за цыкл работ па гісторыі філасофіі і грамадскай думкі Беларусі даакцябрскага перыяду.

Узнагароджаны ордэнам Кастрычніцкай рэвалюцыі (1974), медалямі.

Асноўныя працы:

Социальное единство, противоречия, ответственность. Мн.: Наука и техника, 1972.
Социально-историческое развитие классов в СССР. Мн.: Наука и техника, 1979.
Формирование социального в человеке. Мн.: Наука и техника, 1980.