Памяці вучонага :: ЧАЧУГА Базыль

Базыль Чачуга(30.10.1930 - 10.09.2017, р. у месц. Плутычэ, Польшча), вучоны ў галіне біяхіміі і экалогіі. Замежны член Нацыянальнай акадэміі навук Беларусі (1995). Доктар габілітаваны (1963), прафесар (1972).

— Скончыў Беларускі дзяржаўны ўніверсітэт (1956).
— З 1956 г. асістэнт, старшы асістэнт, ад'юнкт, дацэнт, з 1972 г. прафесар Медыцынскай акадэміі ў г. Беласток (Польшча).
— Адначасова з 1962 г. загадчык аддзела агульнай біялогіі Медыцынскай акадэміі ў Беластоку.

Навуковыя даследаванні ў галіне воднай экалогіі, біяхіміі. Вывучаў ролю кароціноідаў і іх вытворных ў працэсах фотасінтэзу, росту і адаптацыі арганізмаў да розных фактараў асяроддзя. Выступаў ў ролі эксперта па экалогіі ў шэрагу міжнародных арганізацый, уваходзіў у склад розных камітэтаў, звязаных з прыродаахоўнай дзейнасцю.

Аўтар больш за 400 навуковых прац, у т.л. 4 манаграфій.

Асноўныя працы:

Ecological-physiological aspects of Chironomidae. Bialystok, 1962.
The Nature of North-East of Poland. Warszawa, 1973.
The Wigri Lake. Warszawa, 1979.
Narwianski Park Krajobrazowy. Bialystok, 1990.