Памяці вучонага :: ДЗМІТРЫЕЎ Андрэй Сяргеевіч

Андрэй Сяргеевіч Дзмітрыеў (29.06.1925, г. Ленінград, Расія – 13.04.1989), фізіёлаг. Акадэмік Нацыянальнай акадэміі навук Беларусі (1974; чл.-кар. з 1972), доктар біялагічных навук (1970), прафесар (1971). Заслужаны дзеяч навукі БССР (1978). Удзельнік Вялікай Айчыннай вайны.

— Скончыў Беларускі інстытут фізічнай культуры (1954).
— З 1957 г. вучоны сакратар Інстытута фізіялогіі АН БССР, з 1960 г. намеснік дырэктара па навуковай рабоце гэтага інстытута і адначасова з 1970 г. загадчык лабараторыі.
— З 1973 г. галоўны вучоны сакратар Прэзідыума АН БССР, у 1978 – 1987 гг. віцэ-прэзідэнт АН БССР, з 1987 г. член Прэзідыума АН БССР.
— У 1980 – 1985 гг. дэпутат Вярхоўнага Савета БССР.

Навуковыя працы прысвечаны пытанням гравітацыйнай біялогіі – ролі лабірынтных і экстралабірынтных афферэнтных сістэм і іх узаемадзеяння ў механізме ўплыву гіпергравітацыі на псіхічныя, анімальныя і вегетатыўныя функцыі. Адкрыў ланцуговы кальцавы механізм рухальнай нейрагуморальнай рэакцыі кішачніка, у якім прамежкавым звяном з'яўляюцца рэфлекторныя і гумаральныя зрухі, якія ўзнікаюць у органах і тканінах пры гравітацыйных уздзеяннях.

Апублікаваў больш за 120 навуковых прац, у тым ліку манаграфію.

Узнагароджаны ордэнамі Працоўнага Чырвонага Сцяга (1976, 1985), "Знак Пашаны" (1967), Айчыннай вайны II ступені (1985), медалямі.

Асноўныя працы:

Лабиринтные и экстралабиринтные механизмы некоторых соматических и вегетативных реакций на ускорение. Мн.: Наука и техника, 1969.
Особенности реакций нейронов вестибулярных ядер на афферентные сигналы лабиринтной и экстралабиринтной природы (совм. с Т.Ф.Михнюком, В.Г.Степанюгой) // Доклады АН БССР. 1976. Т.20, №9.