Памяці вучонага :: ДУБАХ Аляксандр Давыдавіч

Аляксандр Давыдавіч Дубах (09.07.1883, в. Ботава, Маскоўскай вобл. – 1942), вучоны ў галіне меліярацыі і гідралогіі. Акадэмік Нацыянальнай акадэміі навук Беларусі (1928), доктар сельскагаспадарчых навук (1926), профессор (1921).

— Скончыў Маскоўскі сельскагаспадарчы інстытут (1908).
— У 1920 – 1927 гг. загадчык кафедры Беларускай Сельскагаспадарчай акадэміі.
— У 1927 – 1930 гг. загадчык аддзела Беларускага навукова-даследчага Інстытута сельскай і лясной гаспадаркі ім. У.І. Леніна.
— У 1925 – 1930 гг.старшыня навукова-тэхнічнага савета пры Наркамземе БССР.
— У 1930 г. арыштаваны, пазбаўлены звання акадэміка. Рэабілітаваны ў 1932 г. Паўторна арыштаваны ў 1937 г., але справа ў дачыненні да яго вытворчасцю спыненая. Адноўлены ў званні акадэміка ў 1978 г.
— У 1927 – 1930 гг. і 1933 – 1942 гг. загадчык кафедры Ленінградскай лесатэхнічнай акадэміі.

Распрацоўваў пытанні лясной гідралогіі балот, уплыў лесу на рачны сцёк. Правёў аналіз заканамернасцяў фарміравання воднага рэжыму балот. Дзякуючы яго працам гідралогія балот вылучылася ў самастойную галіну навукі.

Аўтар больш за 70 навуковых прац, у т.л. 14 манаграфій.

Узнагароджаны медалём "За абарону Ленінграда".

Асноўныя працы:

Осушение лесных земель с основами гидротехники. Л.: Гослестехиздат, 1934.
Очерки по гидрологии болот. Л.: ЦУЕГМС, 1936.
Гидротехнические мелиорации лесных земель. М.: Гослестехиздат, 1945.
Лес, как гидрологический фактор. М.; Л.: Гослесбумиздат, 1951.