Памяці вучонага :: ЕЛЬЯШЭВІЧ Міхаіл Аляксандравіч

— Скончыў Ленінградскі дзяржаўны ўніверсітэт (1930).
— У 1930 – 1935 і 1954 – 1956 – у Інстытуце хімічнай фізікі АН СССР, у 1935 – 1949 – у Дзяржаўным аптычным інстытуце.
— Адначасова ў 1932 – 1937-асістэнт Ленінградскага політэхнічнага інстытута, у 1935 – 1941 – дацэнт Ленінградскага дзяржаўнага ўніверсітэта, у 1945 – 1947 і 1952 – 1957 – прафесар Ленінградскага педагагічнага інстытута імя А.І. Герцэна, у 1946 – 1951 – загадчык кафедры Інстытута дакладнай механікі і оптыкі (г. Ленінград).
— У 1956 – 1968 – загадчык лабараторыі Інстытута фізікі АН БССР і адначасова з 1957 – прафесар Беларускага дзяржаўнага ўніверсітэта ім. У.І. Леніна (БДУ).
— У 1968- – 1977 – загадчык кафедры БДУ і адначасова загадчык лабараторыі Інстытута фізікі АН БССР.
— У 1977 – 1983 – прафесар БДУ.
— З 1983 – старшы навуковы супрацоўнік-кансультант НДІ прыкладных фізічных праблем БДУ, з 1990 – галоўны навуковы супрацоўнік Інстытута цепла- і масаабмену ім. А.В. Лыкава АН БССР(з 1991 – АН Беларусі), з 1995 – дарадца пры дырэкцыі Інстытута малекулярнай і атамнай фізікі АН Беларусі.
— У 1967 – 1971 – дэпутат Вярхоўнага Савета БССР.

Навуковыя працы па тэарэтычнай спектраскапіі, фізіцы нізкатэмпературнай плазмы, тэорыі будовы рэчыва, гісторыі квантавай фізікі. Распрацаваў асновы тэорыі ваганняў і вагальных спектраў шмататамных малекул. Выканаў шэраг даследаванняў па спектраскапіі рэдкіх зямель, спектраскапіі плазмы і высокатэмпературных працэсаў. Распрацоўшчык методыкі вымярэнняў параметраў атамнага выбуху, непасрэдны ўдзельнік падрыхтоўкі і правядзення аптычных назіранняў у ходзе выпрабаванняў першай атамнай бомбы (1949) і першай тэрмаядзернай бомбы мегатоннай магутнасці (1955) у СССР.

Аўтар каля 200 навуковых прац, у тым ліку 7 манаграфій.

Дзяржаўныя прэміі СССР: за паспяховае выкананне важных навуковых даследаванняў (1949); за двухтомную манаграфію «Ваганні малекул» (1950). Ленінская прэмія (1966) за навуковыя працы ў галіне фізічных навук. Дзяржаўная прэмія Рэспублікі Беларусь (1992) за цыкл работ па фізіцы плазмадынамічных працэсаў пры лазерна-плазменным уздзеянні на металы і кампазіцыйныя матэрыялы.

Узнагароджаны ордэнамі Леніна (1949), «Знак Пашаны» (1956), Працоўнага Чырвонага Сцяга (1968), медалямі.

Асноўныя працы:

Колебания молекул : в 2 т. М. ; Л. 1949 (в соавт.; 2-е изд. М., 1972).
Спектры редких земель. М. ; Л., 1953.
Атомная и молекулярная спектроскопия. М., 1962 (2-е изд. М., 2001).
Развитие Нильсом Бором квантовой теории атома и принципа соответствия // Успехи физ. наук. 1985. Т. 147, вып. 2.
Подготовка и проведение оптических наблюдений первого советского ядерного взрыва // Вопр. истории естество- знания и техники. 1996. № 2.
Основы атомной физики. М., 2006 (в соавт.).