Памяці вучонага :: ГАЎСМАН Фёдар Аскаравіч

Фёдар Аскаравіч Гаўсман (01.11.1868, Гродзенская вобл. – 1944), тэрапеўт. Акадэмік Нацыянальнай акадэміі навук Беларусі (1933), доктар медыцыны (1912), прафесар (1924). Заслужаны дзеяч навукі БССР (1931).

— Скончыў Юр'еўскі (Тартускі) універсітэт (1894).
— З 1918 г. прыват-дацэнт Маскоўскага ўніверсітэта.
— У 1924 – 1941 гг. прафесар і загадчык клінікай шпітальнай тэрапіі медыцынскага факультэта Белдзяржуніверсітэта (з 1930 г. Мінскага медыцынскага інстытута).
— У 1936 – 1941 гг. загадчык медыцынскага кабінета Акадэміі навук БССР.

Праводзіў даследаванні ў галіне пальпацыі кішачна-страўнікавага тракта. Прапанаваў шэраг лабараторных метадаў даследавання: рэакцыю на урабілін (проба Гаўсмана), метад дыягностыкі схаваных захворванняў нырачных лаханак, метад праслухоўвання глытальных шумоў.

Аўтар больш за 210 навуковых прац, у т.л. 5 манаграфій.

Асноўныя працы:

Основы методического прощупывания желудочно-кишечного тракта с помощью топографической скользящей глубокой пальпации. М.: А.А.Карцевъ, 1912.
Этиология и лечение цинги. М., 1917.
Проблема внелегочного туберкулеза, патогенез и профилактическое лечение его с помощью туберкулина. Мн.: Гизбел, 1939.