Памяці вучонага :: ГОДНЕЎ Ціхан Мікалаевіч

Ціхан Мікалаевіч Годнеў (05.04.1893, г. Задонск, Ліпецкай вобл., Расія – 29.10.1982), фізіёлаг раслін і біяхімік. Акадэмік Нацыянальнай акадэміі навук Беларусі (1940; чл.-кар. з 1936), доктар біялагічных навук (1935), прафесар (1926). Заслужаны дзеяч навукі БССР(1944).

— Скончыў Маскоўскі ўніверсітэт (1916).
— У 1927 – 1935 гг. прафесар Беларускай Сельскагаспадарчай акадэміі, у 1935 – 1941, 1945 – 1969 гг. загадчык кафедры, прафесар Беларускага дзяржаўнага ўніверсітэта.
— У 1941 – 1944 гг.прафесар Свярдлоўскага сельскагаспадарчага інстытута.
— У 1945 – 1966 гг. загадчык лабараторыі Інстытута эксперыментальнай батанікі, у 1967 – 1969 гг. загадчык аддзела лабараторыі біяфізікі і ізатопаў АН БССР.
— У 1946 – 1956 гг. член Прэзідыума АН БССР, у 1946 – 1948 гг. акадэмік-сакратар Аддзялення біялагічных, сельскагаспадарчых і медыцынскіх навук АН БССР.

Прапанаваў ідэі аб фарміраванні хларафіла праз монапірол і лейказлучэнні парфірынаў, аб адзіным працэсе сінтэзу хларафіла і гема з вугляводаў, аб адносна пастаяннай колькасці хларафіла ў адзінцы аб'ёму хларапластаў. Даказаў, што папярэднік хларафіла-протахларафілід, упершыню ператварыў яго ў цемры ў хларафіл. Даследаваў стан фотасінтэтычных пігментаў у антагенезе ў залежнасці ад светлавых і тэмпературных умоў.

Апублікаваў больш за 300 навуковых прац, у тым ліку 4 манаграфіі.

Прэмія імя К.А. Ціміразева АН СССР (1967) за манаграфію "Хларафіл. Яго будова і адукацыю ў расліне".

Узнагароджаны ордэнамі Леніна (1951, 1961), Працоўнага Чырвонага Сцяга (1944, 1949), "Знак Пашаны" (1940), медалямі.

Асноўныя працы:

Строение хлорофилла и методы его количественного определения. Мн.: Изд-во АН БССР, 1952.
Хлорофилл. Его строение и образование в растении. Мн.: Изд-во АН БССР, 1963.
Вопросы биосинтеза хлорофилла и каротиноидов // Биохимия и биофизика фотосинтеза. М., 1965 (в соавт.).