Памяці вучонага :: ГАРБУНОЎ Цімафей Сазонавіч

Цімафей Сазонавіч Гарбуноў (06.08.1904, в. Санікі, Бешанковіцкага р-на, Віцебскай вобл. – 08.10.1969), партыйны і грамадскі дзеяч, гісторык. Акадэмік Нацыянальнай акадэміі навук Беларусі (1959), прафесар (1963).

— Скончыў Камуністычны ўніверсітэт Беларусі (1931), Белдзяржуніверсітэт (1936), Акадэмію грамадскіх навук пры ЦК ВКП(б) (1948).
— З 1933 г. карэспандэнт газеты "Праўда", з 1937 г. галоўны рэдактар Дзяржаўнага выдавецтва БССР, з 1939 г. рэдактар газеты "Звязда".
— У 1941 – 1947 і ў 1950 – 1960 гг.сакратар ЦК КПБ.
— У 1942 – 1945 гг. рэдактар часопіса "Славяне", у 1949 – 1950 гг. намеснік старшыні праўлення Усесаюзнага Таварыства па распаўсюджванню палітычных і навуковых ведаў, рэдактар часопіса "Навука і жыццё".
— У 1960 – 1967 гг. акадэмік-сакратар Аддзялення грамадскіх навук АН БССР.
— Дэпутат Вярхоўнага Савета СССР у 1946 – 1962 гг., Вярхоўнага Савета БССР у 1947 – 1967 гг., старшыня Вярхоўнага Савета БССР у 1955 – 1963 гг.

Працы па гісторыі ўтварэння БССР, культуры, рэвалюцыйнай і нацыянальна-вызваленчай барацьбы беларускага народа, сацыялістычнага будаўніцтва ў Беларусі. З'яўляўся адным з рэдактараў зборніка "Вялікая Кастрычніцкая сацыялістычная рэвалюцыя ў Беларусі (дакументы і матэрыялы)"(т. 1-2, 1957) і "Гісторыі Беларускай ССР"(т.1-2, 1961).

Аўтар звыш 20 навуковых прац, у т.л. 7 манаграфій і брашур.

Узнагароджаны ордэнамі Леніна (1943), Чырвонага Сцяга (1944), Працоўнага Чырвонага Сцяга (1954), медалямі.

Асноўныя працы:

Героическое прошлое белорусского народа. Мн., 1945.
Образование Белорусской Советской Социалистической Республики. М., 1949.
Уз'яднанне беларускага народа ў адзiнай Савецкай сацыялiстычнай дзяржаве. 2 выд. Мн., 1952.
Народы-братья. Мн., 1961.
В.И. Ленин - создатель белорусского cоветского социалистического государства. Мн., 1962.