Памяці вучонага :: ГУБКІН Сяргей Іванавіч

Сяргей Іванавіч Губкін (27.08.1898, С.-Пецярбург – 08.09.1955), вучоны ў галіне пластычнасці і апрацоўкі металаў ціскам. Акадэмік Нацыянальнай акадэміі навук Беларусі (1947), доктар хімічных навук (1936), прафесар (1945). Заслужаны дзеяч навукі і тэхнікі БССР (1954).

— Скончыў Маскоўскую горную акадэмію (1928).
— У 1930 – 1948 гг. дацэнт, прафесар, загадчык кафедры Маскоўскага інстытута каляровых металаў і золата.
— У 1944 – 1948 гг. намеснік дырэктара па навуковай рабоце Інстытута металургіі АН СССР, адначасова загадчык аддзела гэтага інстытута.
— З 1948 г. дырэктар Фізіка-тэхнічнага інстытута АН БССР, адначасова загадчык кафедры Беларускага політэхнічнага інстытута.

Навуковыя працы па тэорыі пластычнай дэфармацыі і апрацоўкі металаў ціскам. Распрацаваў матэматычныя метады вывучэння працэсаў цячэння металу пры прокатке, каванні і штампоўцы. Увёў паняцце аб механічных схемах дэфармацыі, на падставе якога стварыў класіфікацыю тэхналагічных працэсаў, зыходзячы з іх уплыву на пластычныя ўласцівасці металаў.

Аўтар больш за 120 навуковых прац, у тым ліку 8 манаграфій.

Узнагароджаны ордэнам Працоўнага Чырвонага Сцяга (1949), медалямі.

Асноўныя працы:

Теория течения металлического вещества. М.; Л.: ОНТИ, 1935.
Теория обработки металлов давлением. М.: Металлургиздат, 1947.
Фотопластичность. Мн.: Изд-во Акад. наук БССР, 1957 (совм. с С.И. Добровольским, Б.Б. Бойко).
Пластическая деформация металлов. Т.1-3. М.: Металлургиздат, 1960-61.