Памяці вучонага :: КАЙГАРОДАЎ Аляксей Іванавіч

Аляксей Іванавіч Кайгародаў (14.11.1881, г. Ноўгарад, Расія – 27.09.1951), кліматолаг і геафізік. Акадэмік Нацыянальнай акадэміі навук Беларусі (1947; чл.-кар. з 1936), доктар фізіка-матэматычных навук (1934), прафесар (1949).

— Скончыў Пецярбургскі універсітэт (1908).
— З 1914 г. працаваў у галоўнай геафізічнай абсерваторыі ў Петраградзе.
— З 1919 г. загадчык кафедры метэаралогіі і кліматалогіі Горацкага сельскагаспадарчага інстытута.
— З 1930 г. дырэктар Беларускай геафізічнай абсерваторыі, адначасова ў 1932 – 1938 гг. навуковец спецыяліст Фізіка-тэхнічнага інстытута АН БССР, у 1936 – 1938 гг. член Прэзідыума АН БССР.
— З 1938 г. працаваў у Галоўным упраўленні гідраметэаслужбы СССР.
— У 1941-1944 гг. загадчык кафедры Маскоўскага гідраметэаралагічнага інстытута.
— З 1945 г. загадчык кафедры Маскоўскага абласнога педагагічнага інстытута.
— У 1924-1926 гг. член ЦВК БССР.

Работы па даследаванні клімату, мікраклімату і сельскагаспадарчай метэаралогіі БССР. Распрацаваў рэкамендацыі тэрмінаў сяўбы і іншых сельскагаспадарчых работ для БССР. Даў класіфікацыю кліматам зямнога шара.

Аўтар звыш 50 навуковых прац, у т.л. 5 манаграфій.

Узнагароджаны медалямі.

Асноўныя працы:

Клiматычны атлас Беларусi. Мн: Выд. БелНДІ сел. і ляс. гасп-кі, 1927.
Клiмат БССР, Заходняй Беларусi i сумежных краiн. Мн.: Дзяржвыд БССР, 1933-1934. Т.1-2.
Нарыс сельскагаспадарчых клiматычных умоў БССР. 2-е выд. Мн.: Дзяржвыд БССР, 1935.
Естественная зональная классификация климатов земного шара. М.: Изд-во АН СССР, 1955.