Памяці вучонага :: КАРЛОЎСКІ Уладзіслаў Піліпавіч

Уладзіслаў Піліпавіч Карлоўскі(25.09.1933, в. Молчаны, Рэчыцкага р-на, Гомельскай вобласці – 19.08.2010), вучоны ў галіне меліярацыі і аховы зямель. Акадэмік Нацыянальнай акадэміі навук Беларусі (2003), чл.-кар. УАСГНІЛ (1991), акадэмік Акадэміі аграрных навук Рэспублікі Беларусь( 1992-2002), замежны член Расійскай акадэміі сельскагаспадарчых навук( 1997), доктар тэхнічных навук( 1980), прафесар (1982).

— Скончыў Беларускую сельскагаспадарчую акадэмію (1955).
— У 1955 – 1960 гг. начальнік участка, галоўны інжынер Буда-Кашалёўскай і Сенненскай машынна-меліярацыйных станцый, у 1960 – 1965 гг. аспірант, навуковы супрацоўнік Беларускага НДІ меліярацыі і воднай гаспадаркі.
— У 1965 – 1969 гг. начальнік аддзела меліярацыі Дзяржплана БССР, інструктар сельскагаспадарчага аддзела ЦК КПБ.
— З 1969 г. нам. дырэктара па навуковай рабоце, з 1977 г. дырэктар Беларускага НДІ меліярацыі і воднай гаспадаркі.
— У 1987 – 1997 гг. генеральны дырэктар НВА "БелНІІМіВГ".
— З 1997 г. галоўны навуковы супрацоўнік Інстытута меліярацыі Нацыянальнай акадэміі навук Беларусі.

Асноўныя навуковыя працы прысвечаны пытанням меліярацыі і водагаспадарчага будаўніцтва. Абгрунтаваў працэсы вытворчасці земляных работ пры будаўніцтве меліярацыйных сістэм на забалочаных тэрыторыях. Прапанаваў новыя тэхналогіі ў будаўніцтве меліярацыйных сістэм у зімовы перыяд. Распрацаваў сродкі механізацыі для выканання рамонтна-эксплуатацыйных работ на меліярацыйных сістэмах.

Аўтар каля 220 навуковых прац, у т.л. 5 манаграфій, 20 аўтарскіх пасведчанняў і 8 патэнтаў на вынаходствы і прамысловыя ўзоры машын.

Прэмія Савета Міністраў СССР 1984 г. за распрацоўку новых тэхналогій і будаўніцтва меліярацыйных сістэм у зімовы перыяд.

Узнагароджаны ордэнамі Працоўнага Чырвонага Сцяга (1976), "Знак Пашаны" (1971), медалём.

Асноўныя працы:

Строительство осушительно-увлажнительной сети. Мн.: Ураджай, 1976.
Мелиорация земель и охрана окружающей среды. Мн.: Ураджай, 1982 (совм. с С.Г. Скоропановым, В.С. Брезгуновым).
Строительство закрытой осушительной сети. М.: Колос, 1984.