Памяці вучонага :: КІСЯЛЕЎСКІ Леанід Іванавіч

Леанід Іванавіч Кісялеўскі (12.04.1927, Мінск – 08.10.1991), фізік. Акадэмік Нацыянальнай акадэміі навук Беларусі (1980; чл.-кар. з 1972), доктар фізіка-матэматычных навук (1970), прафесар (1971). Заслужаны дзеяч навукі і тэхнікі БССР (1978).

— Скончыў Белдзяржуніверсітэт (1952).
— У 1952 – 1955 гг. працаваў выкладчыкам фізікі ў школе.
— У 1958 – 1959 гг. старшы выкладчык Мінскага педагагічнага інстытута.
— З 1959 г. працаваў у Інстытуце фізікі АН БССР, у 1968 – 1970 гг. загадчык лабараторыі, адначасова ў 1970 – 1978 гг. намеснік дырэктара Інстытута.
— У 1978 – 1983 гг. галоўны вучоны сакратар Прэзідыума АН БССР.
— У 1983 – 1990 гг. рэктар Беларускага дзяржаўнага ўніверсітэта.
— У 1990 – 1991 гг. акадэмік-сакратар Аддзялення фізікі, матэматыкі і інфарматыкі АН БССР.
— У 1985 – 1990 гг. дэпутат Вярхоўнага Савета БССР.
— У 1990 – 1991 гг. галоўны рэдактар часопіса "Весці АН БССР. Серыя фізіка-матэматычных навук".

Работы па лазерна-плазменным сістэмах, тэхналогіі выкарыстання нізкатэмпературнай плазмы і лазераў, аўтаматызацыі спектраскапічных вымярэнняў. Распрацаваў метады атрымання высокастабільнай плазмы. Пад яго кіраўніцтвам створаны спектральныя прыборы, якія ўжываліся для вывучэння высокатэмпературных працэсаў ва ўстаноўках новай тэхнікі, уключаючы працэсы ўваходу касмічных апаратаў у шчыльныя пласты атмасферы.

Аўтар больш за 200 навуковых прац і вынаходак.

Дзяржаўная прэмія БССР 1974 г., Дзяржаўная прэмія СССР 1991 г. за навуковыя дасягненні ў галіне фізікі.

Узнагароджаны ордэнамі Працоўнага Чырвонага Сцяга (1977), Кастрычніцкай рэвалюцыі (1981), медалямі.

КІСЯЛЕЎСКІ Леанід Іванавіч

Асноўныя працы: