Памяці вучонага :: КРАЎЧАНКА Іван Сяргеевіч

Іван Сяргеевіч Краўчанка (12.09.1902, в. Дзмітраўка, Варонежскай вобл., Расія – 12.06.1979), гісторык. Акадэмік Нацыянальнай акадэміі навук Беларусі (1969; чл.-кар. з 1959), доктар гістарычных навук (1959), прафесар (1959). Заслужаны дзеяч навукі БССР (1977). Удзельнік Вялікай Айчыннай вайны.

— Скончыў Паўночна-Каўказскі Камуністычны ўніверсітэт (1930), Інстытут чырвонай прафесуры (1933), Акадэмію грамадскіх навук пры ЦК ВКП(б) (1948).
— У 1920 – 1937 і 1941 – 1946 гг. на партыйнай працы.
— У 1938 – 1940 гг. выкладчык, намеснік дэкана, дэкан Мінскага педагагічнага інстытута.
— У 1940 – 1941 гг.дырэктар Беластоцкага педінстытута.
— У 1948 – 1954 гг. намеснік дырэктара, у 1953 – 1954 гг. в.а. дырэктара, у 1955 – 1964 гг. дырэктар Інстытута гісторыі АН БССР, у 1965-1974 гг. загадчык сектара, у 1974 – 1979 гг. старшы навуковы супрацоўнік-кансультант Інстытута гісторыі АН БССР.

Навуковыя працы прысвечаны гісторыі Беларусі перыяду Вялікай Айчыннай вайны. Даследаваў ролю Кампартыі Беларусі па кіраўніцтву барацьбой у тыле ворага. Унёс значны ўклад у напісанне "Гісторыі Беларускай ССР" у 2 тамах (1954–1958, 2-е выд. 1961), "Гісторыі Беларускай ССР" у 5 тамах (1972–1975), 10-га тома "Гісторыі СССР" у 12 тамах (1966–1980). Адзін з суаўтараў "Гісторыі Мінска" (1957).

Аўтар каля 100 навуковых прац, у т.л. 2 манаграфій.

Узнагароджаны ордэнамі Чырвонай Зоркі (1943), "Знак Пашаны" (1944, 1949), медалямі.

Асноўныя працы:

Падпольны бальшавiцкi друк у Беларусi ў гады Вялiкай Айчыннай вайны. Мiнск, 1950.
Работа Кампартыi Беларусi ў тылу ворага (1941-1944 гг.). Мiнск, 1959.
Партизанская война белорусского народа против фашистских оккупантов в Великую Отечественную войну, 1941-1944 // Германский империализм и вторая мировая война. М., 1963.