Іван Мікалаевіч Нікітчанка (10.01.1939, в. Горыцы, Пагарскага р-на, Бранскай вобл., Расія – 20.11.2010), вучоны ў галіне селекцыі жывёл. Член-карэспандэнт Нацыянальнай акадэміі навук Беларусі (1986), доктар сельскагаспадарчых навук (1979), прафесар (1981).

Даследаванні па распрацоўцы генетыка-матэматычных метадаў аналізу селекцыйнай працы і аўтаматызаваных сістэм кіравання ў племянной жывёлагадоўлі, па стварэнні новых спецыялізаваных ліній свіней. Распрацаваў прагнозныя індэксы абмену рэчываў, метады прагназавання прадуктыўнасці і генетычнай схільнасці жывёл да захворванняў і стрэсаў.

Аўтар больш за 280 навуковых прац, у тым ліку 6 манаграфій, 5 вынаходак.

Прэмія Савета Міністраў СССР 1980 г. за распрацоўку і ўкараненне ў БССР эфектыўнай сістэмы племянной працы ў свінагадоўлі, стварэнне беларускага ўнутрыпароднага тыпу свіней буйной белай і беларускай чорна-стракатай парод.

Асноўныя працы:

1. Системы ведения сельского хозяйства Белорусской ССР. Мн.: Ураджай, 1986 (в соавт.).
2. Гетерозис в свиноводстве. Л.: Агропромиздат, 1987.
3. Адаптация, стрессы и продуктивность сельскохозяйственных животных. Мн.: Ураджай, 1988 (в соавт.).
4. Энциклопедия сельского хозяина. Мн.: БелЭн, 1994.
5. Чернобыль: как это было. Мн., 1999.