Памяці вучонага :: АЛЯШКЕВІЧ Фёдар Васільевіч

Фёдар Васільевіч Аляшкевіч (05.05.1936, в. Балотца, Навагрудскага р-на, Гродзенскай вобл. – 29.12.2008), нейрахірург. Акадэмік Нацыянальнай акадэміі навук Беларусі (1996; чл.-кар. з 1994), доктар медыцынскіх навук (1973), прафесар (1980).

— Скончыў Мінскі медыцынскі інстытут (1959).
— У 1959 – 1961 гг. загадчык хірургічнага аддзялення Субоцінскай участковай бальніцы, намеснік галоўнага ўрача Іўеўскага раёна.
— З 1974 г. дацэнт, прафесар, загадчык курсам нейрахірургіі Мінскага медінстытута, з 1989 г. загадчык кафедры, з 2007 г. прафесар Беларускага дзяржаўнага медыцынскага ўніверсітэта.
— У 1980 – 2000 гг. галоўны нейрахірург Міністэрства аховы здароўя Рэспублікі Беларусь.
— У 2000 – 2004 гг.член Савета Рэспублікі Нацыянальнага сходу Рэспублікі Беларусь.

Навуковыя даследаванні прысвечаны сасудзістым парушэнням галаўнога мозгу, чэрапна-мазгавым траўмам, пухлінам галаўнога мозгу, эпілепсіі, болевым сіндромам. Распрацаваў і ўжыў новы метад лячэння артэрыяльнага спазму мазгавых сасудаў – мясцовае ўздзеянне навакаінаміда на сасуды мозгу. Упершыню вывучыў ролю і значэнне перакіснага акіслення ліпідаў пры чэрапна-мазгавой траўме.

Аўтар каля 300 навуковых прац, у тым ліку 8 манаграфій і 6 вынаходак.

Узнагароджаны медалём.

Асноўныя працы:

Ангиографическая диагностика сосудистых поражений и опухолей головного мозга. Мн., 1973 (совм. с Э.И. Злотником, И.П. Антоновым, З.М. Кастрицкой).
Травматические субдуральные гематомы. Мн., 1980 (совм. с Н.И. Рожанцем).
Травма нервной системы. Мн., 1988.
Нейрохирургия: Операции на головном мозге. Мн., 1993 (совм. с А.Ф. Олешкевичем).